Beth yw Chapter?
Mae Chapter yn ganolfan gelfyddydol yng Nghaerdydd – y mae’n gartref i 2 sinema, 3 gofod theatr, 2 far a chaffi, yn ogystal â gofodau ymarfer, stiwdios i artistiaid a swyddfeydd i dros 50 o denantiaid.

Mae Chapter yn cynnig rhaglen fywiog o ddigwyddiadau. I weld manylion y rhaglen gyfredol ewch i’r tudalennau sinema, oriel a theatr.

Mae Chapter wedi’i sefydlu fel elusen addysgol a chwmni cyfyngedig. Chapter yw un o ganolfannau celfyddydol mwyaf blaengar Ewrop ac mae gan y ganolfan enw da am greadigrwydd ac arloesedd. Mae Chapter yn gweithio gyda phartneriaid rhyngwladol o bedwar ban byd, ac y mae ar flaen y gad o ran ei hymwneud â’r grym cynyddol sydd gan y diwydiannau creadigol i arwain prosesau o adfywio dinasoedd. Mae ein gwasanaethau i ddefnyddwyr anabl, sydd wedi ennill gwobrau cenedlaethol, yn rhan o’r gwaith a wnawn wrth geisio hybu’r syniad bod y celfyddydau yn agored i bawb.

Pryd agorwyd Chapter?
Ar Ebrill 15fed 1971, am 3.45yp ar ei ben, cynhaliwyd cyfarfod cyntaf Bwrdd Canolfan Gelfyddydau. Am fwy o wybodaeth am hanes Chapter dros y 30 mlynedd diwethaf, cliciwch fan hyn.

Faint o bobl sydd yn ymweld â Chapter bob blwyddyn?
Mae Chapter yn croesawu dros 250,000 o ymwelwyr bob blwyddyn ac yn cyflogi rhyw 70 o bobl. Mae tua 150 o bobl yn gweithio ar safle Chapter. R’yn ni’n cyflwyno dros 1,000 o ddigwyddiadau a sioeau bob blwyddyn.

Sut alla’ i brynu tocyn?
Gallwch brynu tocynnau unrhyw awr o’r dydd, unrhyw ddiwrnod o’r flwyddyn, ar-lein.

Gallwch hefyd archebu dros y ffôn, drwy ffonio +44 (0)29 2030 4400, drwy ‘minicom’, ar +44 (0)29 2031 3430, drwy ffacs, ar +44 (0)29 20313431 neu drwy’r post, gan nodi’n glir y nifer a’r math o docynnau r’ych chi’u hangen, y sioe yr hoffech chi’i gweld, a manylion eich carden credyd (gan gynnwys y math o garden, enw deiliad y garden, rhif y garden, dyddiad terfyn y garden (“expiry”) a’r rhif cyhoeddi (“issue”)). Cofiwch gynnwys rhif ffôn neu ffacs hefyd, rhag ofn y bydd angen i ni gysylltu â chi.

Fel arall, gallwch godi’ch tocynnau yn y ganolfan ei hun. Mae’r Swyddfa Docynnau ar agor o ddydd Llun i ddydd Gwener, 11.00yb - 8.30yh; ar ddydd Sadwrn, 2.00yp - 8.30yh; ac ar ddydd Sul 3.00yp - 8.30yh.

Llwythwch fap trwy glicio’r ddolen ar y dde.

Sut alla’ i wneud cwyn?
R’yn ni wastad yn croesawu’ch sylwadau a’ch adborth chi – os hoffech godi unrhyw bwynt ynglyn â’n gwasanaeth (boed da neu ddrwg!), e-bostiwch ni’n syth ac fe wnawn ni’n gorau i weithredu yn unol â’ch awgrymiadau. Fel arall, gallwch ffonio +44 (0)29 2031 1050.