ORIEL
I lansio Call the Waves, rydyn ni’n dechrau gyda phenwythnos o berfformiadau artistiaid, sgyrsiau, a chinio agoriadol.
Gosodwaith newydd gan yr artist o Balesteina Bint Mbareh yw Stellar Footprints, ac yn y perfformiad hwn o dan yr un enw, maen nhw’n ymchwilio i rinweddau sonig y weithred o ddweud cyfrinachau ac yn defnyddio systemau amaethyddol Palesteina a arweinir gan astroleg i archwilio sut mae’r awyr yn argraffu ei chyfrinachau ar y tir, a sut mae’r cyfrinachau yna’n ymddangos yn y dyfodol.
Arddangosfa grŵp a rhaglen gyhoeddus yw Call the Waves, sy’n deillio o gysylltiadau agos rhyng-gysylltiedig gyda gwahanol gyrff dŵr, gan dynnu ynghyd waith newydd gan yr artistiaid, y cerddorion a’r haneswyr Alia Mossalam, Bint Mbareh, Fern Thomas, Kandace Siobhan Walker, Maya Al Khaldi, a Noureddine Ezarraf. Mae’r prosiect wedi’i gyd-guradu gan QANAT a SWAY, a gynhelir ar y cyd gan Francesca Masoero, Louise Hobson a Shayma Nader.
