CAW 2025 Aardman Model Making Workshop (8+)

Dewch i fod yn greadigol a dysgu crefft unigryw creu modelau yn y gweithdai modelu clai hwyliog a rhyngweithiol yma.

Fe gewch chi gyfarwyddyd cam wrth gam gan wneuthurwr modelau arbenigol, a byddwch yn dysgu sut i grefftio’ch model o Gromit neu Feathers McGraw, i’w gadw ac i fynd ag e adre gyda chi.

Mae’r gweithdy’n gyfle gwych i ddarpar animeiddwyr a’r rhai sy’n hoff o stop-symud i gael mynd tu ôl i’r llen, gofyn cwestiynau, a dysgu am broses gynhyrchu Aardman.

Ar ôl y gweithdai bydd cyfle i weld Wallace & Gromit: The Wrong Trousers a Wallace & Gromit: Vengeance Most Fowl ar y sgrin fawr!

Yn addas i bob lefel sgil ac i bawb sy’n 8 oed neu’n hŷn.

Rhowch wybod os byddai unrhyw ddarpariaeth hygyrchedd yn ei gwneud hi’n haws i chi ddod i’r digwyddiad, fel dehongliad Iaith Arwyddion Prydain.

Wedi'i gynnwys ym Mhas yr Ŵyl.