David Grubbs and Secluded Bronte + support from Jo Kelly

Ymunwch â ni ar gyfer noson o sain arbrofol gan David Grubbs a Secluded Bronte, ar ôl i albwm unigol ddiweddaraf Grubb ac EP Secluded Bronte gael eu rhyddhau. Gyda chefnogaeth gan y basydd-dwbl, Jo Kelly.

Mae tocynnau bargen gynnar ar gael tan 26 Chwefror. Defnyddiwch y cod EARLYBIRD6 ar y cam talu.

___

Ynglŷn â'r artistiaid

David Grubbs

Mae David Grubbs wedi bod yn creu cerddoriaeth ers deugain mlynedd. Dros y blynyddoedd, mae David wedi bod yn aelod o Gastr del Sol, Bastro a Squirrel Bait. Mae David hefyd yn awdur. Mae wedi cyhoeddi pedwar llyfr – Good night the pleasure was ours, The Voice in the Headphones, Now that the audience is assembled, a Records Ruin the Landscape: John Cage, the Sixties, and Sound Recording (oll wedi’u cyhoeddi gan Duke University Press). Rhyddhawyd ei albwm ddiweddaraf Whistle From Above (Drag City) ym mis Chwefror.

Secluded Bronte

Fe wnaeth Secluded Bronte – sef Richard Thomas, Adam Bohman a Jonathan Bohman – ffurfio yn Llundain a lansio yn Ninas Efrog Newydd yn 2002. Mae cerddoriaeth y triawd Eingl-Gymreig yn cyfuno elfennau byrfyfyr rhydd, roc, musique concrète, dyb a gair llafar. Maen nhw wedi cael eu cymharu ag amrywiaeth eang o artistiaid – This Heat, Wire, Jean-Luc Godard, Ennio Morricone, The Residents, The Fall, John Cage, Sun Ra – ond, yn y pen draw, does dim modd rhoi Secluded Bronte mewn categori. Maen nhw wedi teithio’n eang ledled Ewrop a gwledydd Prydain. Mae yna albwm newydd, Incidental Games, i ddod yn 2025.

Jo Kelly

Cerddor a dylunydd gemau o Fryste yw Jo Kelly, sy’n echdynnu ystod eithriadol o seiniau o’u hofferyn, o sŵn garw o’r dyfnderoedd i geinder cyflym – pruddglwyf wedi’i ddyrchafu i fod yn aruchel. Byddan nhw’n cyflwyno perfformiad cwbl fyrfyfyr ar y bas dwbl, yn seiliedig ar eu halbwm ddiweddar ‘ᚹ’. ‘Mynegiant o lawenydd, llonyddwch a chwareusrwydd pur. Pelydryn trwm o heulwen yn cwympo ar draws eich llygaid.’