Episode 3.11 and 3.12 Twin Peaks

3.11 There's A Fire Where You're Going

UDA | 2017 | 57’ | cynghorir 15 | David Lynch

Mae Becky’n dysgu bod ei gŵr wedi bod yn twyllo arni ac mae ei rhieni Shelly a Bobby yn ei chysuro. Mae'r FBI yn dod o hyd i gorff Ruth gyda chyfesurynnau wedi'u hysgrifennu ar ei braich. Yn Nevada, mae Bushell yn cytuno i anrhydeddu honiad y brodyr Mitchum ac mae Dougie’n bwyta pastai ceirios.

3.12 Let’s Rock

UDA | 2017 | 55’ | cynghorir 15 | David Lynch

Yn Twin Peaks, mae Sarah Palmer yn cael profiad cythryblus. Mae Audrey Horne yn mynnu bod ei gŵr, Charlie, yn ei helpu i ddod o hyd i Billy, ei chariad coll. Yng ngwesty’r Great Northern, mae Ben Horne yn darganfod y gwirionedd annymunol am ei ŵyr. Mae The Chromatics yn perfformio yn The Roadhouse.

____

Twin Peaks: The Complete Mystery

Mewn tre torri coed yng Ngogledd-Orllewin America, mae’r gymuned yn cael ei hysgwyd pan fydd corff marw Laura Palmer yn cael ei ganfod; brenhines ei blwyddyn ysgol, gwirfoddolwraig pryd ar glud, a cheerleader yr oedd ei llun llawen yn eistedd yn falch yn y cwpwrdd tlysau. Buan mae’r asiant FBI anarferol Dale Cooper yn canfod bod trigolion y dre dawel yn llawn cyfrinachau. Mae David Lynch ac awdur Hill Street Blues Mark Frost yn dod ag ensemble gwych o actorion at ei gilydd, sy’n amrywio o arwyr Hollywood fel Russ Tamblyn a Piper Laurie i actorion theatr Seattle a hen gydweithredwyr Lynch, fel Jack Nance a Catherine Coulson.

Roedd y gwaith yn greadigaeth nodedig yn hanes teledu, a chafodd swyddogion teledu eu drysu ar y pryd gan yr ymgais freuddwydiol ac abswrdaidd yma ar ddrama episodig. Dechreuon nhw golli ffydd ynddi yn ystod yr ail dymor, a arweiniodd Lynch a Frost i orffen y gyfres yn gynt na'r disgwyl. Gwnaeth Lynch ffilm nodwedd ragarweiniol wydn i’r gyfres, a 25 mlynedd yn ddiweddarach, daeth y gyfres mawr ei haros Twin Peaks: The Return, a oedd yn parhau â’r plot o ddiweddglo ffrwydrol yr ail gyfres i ddangos canlyniadau drygioni heb ei ddatrys am genhedlaeth.

Cafodd y trydedd gyfres a’r gyfres olaf, sy’n fyfyrdod metaffisegol ar amser, tarddiad drygioni, gwaddol a phwysigrwydd cymuned, ei galw gan lawer yn un o’r darnau mwyaf nodedig o gelf symud o ddechrau’r unfed ganrif ar hugain.

Dewch ar daith gyda ni i archwilio’r dirgelwch llawn dros 25 wythnos.