Episode 3.7 and 3.8 Twin Peaks

3.7 There's A Body All Right

UDA | 2017 | 57’ | cynghorir 15 | David Lynch

Yn Twin Peaks, mae Frank yn galw Doc Hayward. Mae Diane yn gweld Mr C yn y carchar ac yn dweud nad Cooper yw e. Ar ôl ffrae, mae rhan o Cooper yn cael ei ddeffro yn Dougie. Yng ngwesty'r Great Northern, mae Beverly’n ceisio dod o hyd i ffynhonnell sŵn hymian yn swyddfa Ben Horne.

+

3.8 Gotta Light?

UDA | 2017 | 57’ | cynghorir 15 | David Lynch

Mewn gwrthdrawiad, mae Mr C yn cael ei saethu ac mae dynion coed yn rhwygo ei gorff, gan ddatgelu pelen. Mae Nine Inch Nails yn chwarae yn The Roadhouse. Mewn ôl-fflachiad i Mecsico Newydd ym 1945, mae'r bom atomig cyntaf yn cael ei danio ac mae Yr Arbrawf yn cychwyn. Yn ddiweddarach, mae dyn coed yn mynd i orsaf radio ac yn darlledu neges ddirgel dro ar ôl tro, gan wneud i’r gwrandawyr fynd yn anymwybodol. Mae creadur yn mynd i ystafell merch anymwybodol ac yn dringo i lawr ei gwddf.

____

Twin Peaks: The Complete Mystery

Mewn tre torri coed yng Ngogledd-Orllewin America, mae’r gymuned yn cael ei hysgwyd pan fydd corff marw Laura Palmer yn cael ei ganfod; brenhines ei blwyddyn ysgol, gwirfoddolwraig pryd ar glud, a cheerleader yr oedd ei llun llawen yn eistedd yn falch yn y cwpwrdd tlysau. Buan mae’r asiant FBI anarferol Dale Cooper yn canfod bod trigolion y dre dawel yn llawn cyfrinachau. Mae David Lynch ac awdur Hill Street Blues Mark Frost yn dod ag ensemble gwych o actorion at ei gilydd, sy’n amrywio o arwyr Hollywood fel Russ Tamblyn a Piper Laurie i actorion theatr Seattle a hen gydweithredwyr Lynch, fel Jack Nance a Catherine Coulson.

Roedd y gwaith yn greadigaeth nodedig yn hanes teledu, a chafodd swyddogion teledu eu drysu ar y pryd gan yr ymgais freuddwydiol ac abswrdaidd yma ar ddrama episodig. Dechreuon nhw golli ffydd ynddi yn ystod yr ail dymor, a arweiniodd Lynch a Frost i orffen y gyfres yn gynt na'r disgwyl. Gwnaeth Lynch ffilm nodwedd ragarweiniol wydn i’r gyfres, a 25 mlynedd yn ddiweddarach, daeth y gyfres mawr ei haros Twin Peaks: The Return, a oedd yn parhau â’r plot o ddiweddglo ffrwydrol yr ail gyfres i ddangos canlyniadau drygioni heb ei ddatrys am genhedlaeth.

Cafodd y trydedd gyfres a’r gyfres olaf, sy’n fyfyrdod metaffisegol ar amser, tarddiad drygioni, gwaddol a phwysigrwydd cymuned, ei galw gan lawer yn un o’r darnau mwyaf nodedig o gelf symud o ddechrau’r unfed ganrif ar hugain.

Dewch ar daith gyda ni i archwilio’r dirgelwch llawn dros 25 wythnos.