David Lynch: Eraserhead (15)

Mewn fflat llwm gyda diflastod diwydiannol o’i gwmpas, mae Henry’n byw ar ei ben ei hunan. Ar ôl i’w gariad Mary gwympo’n feichiog, newyddion nad oes yr un o’r ddau’n rhy hapus yn ei gylch, maen nhw’n priodi ac mae hi’n symud ato. Mae’r babi, yn greadur rhyfedd, yn crio’n ddi-baid, ac mae Henry’n dechrau dianc i fyd breuddwydiol. Disgrifiodd David Lynch ei ffilm nodwedd gyntaf fel “breuddwyd o bethau tywyll a thrafferthus”. Wedi’i hariannu gan rownd bapur, Sefydliad Ffilm America, a’r actores Sissy Spacek (a oedd yn briod â’r dylunydd cynhyrchu Jack Fisk), bu’r weledigaeth wreiddiol a didostur yma o’i ffilm nodwedd gyntaf yn cael ei chwarae mewn dangosiadau canol nos am flynyddoedd, gan fynd â Lynch i’r llwyfan rhyngwladol a chadarnhau ei safle fel y ffilm gwlt berffaith.