Brwydro dros Gyfiawnder

6.30-8.30pm | Am ddim, angen archebu

Ymunwch â ni mewn digwyddiad arbennig: Natasha Elcock & Karim Mussilhy (Grenfell United), Gaynor Madgwick (Aberfan) and Sarah Bowen (Butetown)

Yn cadeirio’r drafodaeth bydd Peter Apps (Show Me The Bodies: How We Let Grenfell Happen) a bydd y sgwrs yn edrych ar dai cymdeithasol, sut mae hil a dosbarth yn effeithio ar ein profiad o dai, a boneddigeiddio ein cymunedau. Rydyn ni hefyd am drafod gwytnwch eithriadol y rhai sy’n dal i frwydro dros gyfiawnder, a phwysigrwydd dangos undod rhwng gwahanol gymunedau.

Bydd copïau o Aberfan - A Story of Survival, Love and Community in One of Britain's Worst Disasters gan Gaynor Madgwick a Show Me The Bodies: How We Let Grenfell Happen gan Peter Apps ar gael i’w prynu ar ôl y digwyddiad.

___

Mae’r digwyddiad yma’n rhan o Grenfell: We Stand With You, rhaglen gyhoeddus i gyd-fynd â chyflwyno ffilm Grenfell gan Steve McQueen.

Mae’r daith yma o Grenfell yn cael ei chydlynu gan y Tate mewn cydweithrediad â’r lleoliadau partner, ac fe’i gwnaed yn bosib diolch i gefnogaeth arian cyhoeddus gan y Loteri Genedlaethol drwy Gyngor Celfyddydau Lloegr a gan Art Fund. Bydd pob arddangosiad am ddim, a bydd rhaglen ymgysylltu gyhoeddus gysylltiedig, a fydd yn cynnwys sgyrsiau, gweithdai a digwyddiadau cymunedol gyda chefnogaeth Sefydliad Grenfell.