Bydd ein maes parcio blaen yr adeilad ar gau o 23-27 Ebrill. Defnyddiwch ein prif faes parcio sy’n hygyrch o Heol Marchnad.

Film

Gweithdy Creu a Chrafu Ffilm gyda Gritty Realism

Nodweddion

  • Math Workshops

Oedran 15+

Dewch i roi cynnig ar grafu darluniau’n syth ar seliwloid 35mm a dod yn rhan o animeiddiad sy’n dathlu hanes ffilm yng Nghymru.

Bydd y gweithdai yma, a gaiff eu rhedeg gan gwmni Cynyrchiadau Gritty Realism mewn cydweithrediad â Sinema Chapter, yn cyflwyno’r dechneg o animeiddio uniongyrchol. Bydd cyfranogwyr yn cynhyrchu eu dilyniannau eu hunain ar gyfer ffilm sy’n cyfuno hen glipiau ffilm ac animeiddio i amlygu gwaith yr Archif Sgrin a Sain Genedlaethol, sy’n cadw ffilmiau Cymru ar gyfer cenedlaethau’r dyfodol. Yna, cewch wylio’ch gwaith yn dod yn fyw ar y sgrin fawr yn Chapter ym mis Rhagfyr.

Cefnogir y prosiect yma gan Gyngor Celfyddydau Cymru.

Share

Amdanom Sinema Chapter

Rydyn ni’n dathlu ffilm yn ei holl ffurfiau, gan gynnig profiad sinema cyfoethog sy’n blaenoriaethu’r profiad sinema sgrin fawr, gan ddangos ffilmiau ar ffilm 35mm yn ogystal â ffilmiau digidol wedi’u taflunio â laser.

Ochr yn ochr â ffilmiau newydd, rydyn ni’n cyflwyno ystod o wyliau ffilm a thymhorau wedi’u curadu, gyda sgyrsiau, sesiynau holi ac ateb a digwyddiadau sy’n helpu i ysbrydoli creadigrwydd ymhlith ein cynulleidfa ac i sicrhau bod ganddon ni i gyd ddealltwriaeth ddyfnach o’r broses creu ffilmiau a mewnwelediad i’r diwydiant ffilm ffyniannus yma yng Nghymru.

Rydyn ni’n falch o fod yn Ganolfan Ffilm ar gyfer Cymru, yn un o wyth o ganolfannau ffilm ledled gwledydd Prydain a ffurfiwyd fel rhan o Sefydliad Ffilm Prydain: Rhwydwaith Cynulleidfa Ffilm. Drwy Ganolfan Ffilm Cymru, rydyn ni’n cyflwyno mwy o ffilmiau, i fwy o bobl, mewn mwy o lefydd ledled y wlad.

Darganfyddwch fwy

More at Chapter