Japan Foundation Touring Film Programme 2025: Carmen Comes Home

Japaneaidd gyda isdeitlau Saesneg

Yng nghefn gwlad Japan wedi’r Ail Ryfel Byd, mae merch o’r enw Carmen yn cyrraedd ac yn ennyn chwilfrydedd y bobl leol. Mae’n dod i’r amlwg mai o’r pentref mae hi’n dod yn wreiddiol, ac mai Okin oedd ei henw, cyn gadael am Tokyo i fod yn ddawnswraig. Mae’r prifathro yn ystyried ei hunan yn dipyn o hyrwyddwr y celfyddydau, ac mae wrth ei fodd o ddarganfod bod y pentre wedi cynhyrchu artist, ond mae’n cael ei synnu pan mae’n sylweddoli pa fath o ddawnswraig yw hi. Mae Carmen yn falch o’i sgiliau, ac yn penderfynu perfformio arddangosiad i’r pentrefwyr. Mae’r gomedi eiconig yma’n un o hoff ffilmiau’r cyfnod, gan archwilio’r newid mewn safonau moesol, a dyma’r ffilm nodwedd Japaneeg gyntaf i gael ei chynhyrchu mewn lliw llawn.