Newsoundwales yn cyflwyno Jim Ghedi a Toby Hay – gitaryddion arddull bys adnabyddus – sydd wedi dod at ei gilydd i gyfuno gwahanol ddylanwadau ac arddulliau o chwarae i greu sain unigryw ar gyfer cerddoriaeth werin y gitâr.
Bydd y ddeuawd yn perfformio noson o gerddoriaeth offerynnol o’u halbwm gyntaf a ryddhawyd gyda Recordiau Topic ym mis Mai 2023. Recordiwyd yr albwm yn gwbl fyw – heb ddim addasiadau na dybs – a lluniwyd yr albwm dros dridiau ymhlith mynyddoedd tawel cefn gwlad y canolbarth.
Mae’r record newydd yma’n cyfleu sain dau ddyn mewn sgwrs, ond eto sy’n siarad mewn un llais. Mae Jim yn chwarae gitâr chwe thant ac mae Toby’n chwarae gitâr deuddeg tant, ond mae’r sain maen nhw’n ei greu yn debyg i drydydd offeryn arall-fydol cwbl newydd: mae’n helaeth, yn loyw, yn gywrain, yn hynafol ond eto’n fodern – ac yn gwbl unigryw.
“LP deuawd gitâr werin hyfryd a hylifol a recordiwyd mewn penwythnos o baneidiau ar ôl wythnosau o jamio ar daith gyda’i gilydd.” MOJO
Pobl a archebodd Newsoundwales: Jim Ghedi a Toby Hay hefyd wedi archebu...
-
Drones Comedy Club
Gwe 18 Awst, Gwe 1 & 15 Med, 6 & 20 Hyd, 3 & 17 Tach
