Pwy sy’n dylunio lle? Ar gyfer pwy? A beth sy’n cael ei golli pan fydd yn newid?

2-4pm | Am ddim, angen archebu

Yn y sesiwn yma sy’n ysgogi’r meddwl, mae Nabil Al-Kinani, awdur o dras Prydeinig-Iracaidd sy’n gweithio ym maes yr amgylchedd adeiledig, yn eich gwahodd i archwiliad dwfn a beirniadol o foneddigeiddio a’i effaith ddinistriol ar ystadau tai cymdeithasol. Yn troi at ei lyfr Privatise the Mandem to Free the Ends (2025), mae Al-Kinani yn dadansoddi gwleidyddiaeth lle—gan archwilio sut mae cymunedau’n cael eu dadleoli, straeon yn cael eu dileu, a hunaniaethau’n cael eu masnacheiddio.

O safbwynt profiad byw, ymchwil, ac ymdrefnu llawr gwlad, mae’r sesiwn yma’n alwad am sofraniaeth, hunangynhaliaeth, a chynnal bywyd cyhoeddus yn nhirweddau trefol Prydain sy’n prysur drawsnewid.

___

Nabil Al-Kinani

Awdur, strategydd, ac ymarferydd gofodol yn Llundain yw Nabil Al-Kinani, y mae ei waith yn eistedd ar y croestoriad rhwng trefoldeb, diwylliant a gwrthsafiad. Gyda chefndir mewn uwchgynllunio graddfa fawr a datblygiad trefol, mae Nabil yn cwestiynu’r systemau sy’n siapio ein dinasoedd – gan ofyn nid yn unig sut caiff llefydd eu creu, ond ar gyfer pwy.

Mae ei ymchwil parhaus yn ymchwilio i themâu creu lle diwylliannol, cyfiawnder gofodol, ac amddiffyn treftadaeth, yn enwedig yng nghyd-destun cymunedau dinesig. Mae ei waith yn rhoi llais i’r rhai sy’n cael eu diystyru, gan hyrwyddo naratifau gwytnwch a pherthyn.

___

Mae’r digwyddiad yma’n rhan o Grenfell: We Stand With You, rhaglen gyhoeddus i gyd-fynd â chyflwyno ffilm Grenfell gan Steve McQueen.

Mae’r daith yma o Grenfell yn cael ei chydlynu gan y Tate mewn cydweithrediad â’r lleoliadau partner, ac fe’i gwnaed yn bosib diolch i gefnogaeth arian cyhoeddus gan y Loteri Genedlaethol drwy Gyngor Celfyddydau Lloegr a gan Art Fund. Bydd pob arddangosiad am ddim, a bydd rhaglen ymgysylltu gyhoeddus gysylltiedig, a fydd yn cynnwys sgyrsiau, gweithdai a digwyddiadau cymunedol gyda chefnogaeth Sefydliad Grenfell.