The Rule of Jenny Pen

Mae’r Barnwr annymunol Stefan Mortensen yn cael strôc sydd bron yn ei ladd, ac yn cael ei adael wedi’i barlysu’n rhannol mewn cartre preswyl. Mae’n ymddwyn yn anfodlon at y staff ac yn cadw draw oddi wrth y dyn cyfeillgar mae’n rhannu stafell ag e, a buan mae Mortensen yn gwrthdaro â Dave Crealy, preswylydd sy’n ymddangos yn annwyl ar yr olwg gyntaf. Nid yw’r staff yn gwybod mai bwli yw Crealy, sy’n poenydio’r preswylwyr eraill. Mae’r hyn sy’n dechrau fel pryfocio plentynnaidd gyda dol gysur i bobl â dementia, yn troi’n rhywbeth llawer mwy sinistr ac annifyr. Pan fydd pledion Mortensen wrth y staff yn cael eu hanwybyddu, mae’n penderfynu rhoi diwedd ar ymddygiad Crealy ei hunan.