Tina Pasotra Artist Screening + Discussion

Ymunwch â Tina Pasotra mewn dangosiad o’i ffilm fer ddiweddaraf, Jamni (2025), yn ogystal â dau ddarn blaenorol o’i gwaith dros y degawd diwethaf.

Fel rhan o’r digwyddiad, bydd y meddyliwr, y crëwr, yr awdur a’r breuddwydiwr, Dr Aditi Jaganathan, yn ymuno â Tina. Mae gwaith Jaganathan yn archwilio’r diwylliannau newydd sy’n deillio o gysylltiadau diaspora Du a brown mewn dinasoedd. Gyda diddordeb penodol mewn creadigrwydd fel arfer dad-drefedigaethol, mae’n gosod y dychymyg fel safle radical o wrthod a gwrthsafiad.

But Where Are You From?
Cymru | 2017 | 3’ | Dim Tystysgrif | Tina Pasotra
Wedi’i gomisiynu ar gyfer Random Acts gan Channel 4, dyma gynfas symudol haniaethol sy’n archwilio pensaernïaeth, dawns, a hylifedd hunaniaeth ddiwylliannol.

I Choose
Cymru | 2020 | 11’ | cynghorir 12a | Tina Pasotra
Mae drama Pasotra, a enwebwyd am wobr BAFTA, yn adrodd stori menyw ifanc sy’n aberthu popeth mae hi wedi’i nabod erioed i ddechrau bywyd newydd yng Nghymru.

Jamni
Cymru | 2025 | 8’ | cynghorir 12a | Tina Pasotra
Gan symud rhwng darnau ffilm o fam Tina a thirwedd Cymru o’r archif a’r presennol, dyma fyfyrdod barddonol a haenog ar ddosbarth, ymreolaeth, a gallu byd natur i iacháu, wedi’i gydblethu drwy gyfansoddiad sonig gwreiddiol sy’n cynnwys llais yr artist.

___

Amdan yr artist

Artist, cyfarwyddwr a gwneuthurwr ffilm sy’n byw yng Nghaerdydd yw Tina Pasotra. Mae’n gweithio ym maes delweddau symudol, ysgrifennu, dawns, a gosodwaith, gan geisio canoli arferion cydweithio, gofal a thegwch. Eleni, mae Tina Pasotra wedi’i henwebu ar gyfer gwobr Cyfarwyddwr Ffilm yn The Arts Foundation.

___

Gyda chefnogaeth gan Gronfa Creu Cyngor Celfyddydau Cymru.