Vermiglio (15)

Eidaleg gyda isdeitlau Saesneg

Ym mhentre bach mynyddig Vermiglio yn yr Eidal, yn nyddiau olaf yr Ail Ryfel Byd, mae’r milwr Pietro o Sisili yn cyrraedd y dre ar ôl gadael y fyddin. Mae’n cael ei dderbyn gan deulu’r athro lleol, ac yn ffurfio cysylltiad gyda’i ferch Lucia. Yn y portread teimladwy yma am deulu mawr ac arferion oes a fu, mae cyrhaeddiad Pietro yn arwain at ganlyniadau a fydd yn newid llwybr eu bywydau. Ffilm weledigaethol, gyda harddwch toreithiog yr Alpau wedi’i ffilmio’n gain o dan olau naturiol gaeaf caled a gwanwyn adfywiol.