Beth ddylech chi wybod cyn ymweld
Croeso! Ar y dudalen yma, bydd gwybodaeth am beth i’w ddisgwyl pan fyddwch chi’n dod i Chapter, a manylion y mesurau sydd ganddon ni ar waith i sicrhau bod eich ymweliad mor bleserus a diogel â phosib.
Rydyn ni’n diweddaru’r dudalen yma'n rheolaidd, felly cofiwch edrych arni cyn ymweld â ni er mwyn sicrhau eich bod wedi cael y wybodaeth ddiweddaraf.
Newyddion diweddaraf Mawrth 2022
Yn unol â deddfwriaeth Llywodraeth Cymru, rydyn ni’n gwneud rhai newidiadau:
- O 1 Ebrill ymlaen, byddwn ni’n dychwelyd at gapasiti llawn yn ein sinemâu a’n theatrau. Ni fydd seddi penodol yn cael eu dyrannu yn dal i fod.
- Does dim angen i chi ddangos pàs Covid i gael mynediad i’n sinemâu a’n theatrau.
- Mae cyfyngiadau ar wisgo masgiau’n codi. Serch hynny, gofynnwn i chi ystyried pobl sy’n fwy bregus na chi, ac rydyn ni’n cynghori eich bod yn parhau i wisgo masgiau os gallwch chi. Bydd ein staff yn parhau i wisgo gorchuddion wyneb.
Dyma fanylion llawn beth ddylech ei ddisgwyl wrth ymweld â’n Caffi Bar, Sinemâu a Theatrau neu’r Oriel.
Y newidiadau rydyn ni wedi'u gwneud i'ch cadw chi'n ddiogel
- Gorsafoedd diheintio dwylo
- Trefn lanhau drylwyr
- Capasiti llai
- Cyfarpar diogelu personol i'r staff
- Mwy o arwyddion i'ch tywys
- Archebion ar-lein ar gyfer y Caffi Bar a'r Sinema
- Tocynnau hunan-sganio
- Taliadau di-gyswllt
Mae ein staff wedi cael hyfforddiant llawn ar y mesurau iechyd a diogelwch newydd, ac maen nhw ar gael i'ch helpu ar draws yr adeilad neu wrth ein Desg Wybodaeth. Gallwch adnabod ein timau Blaen y Tŷ gan y byddan nhw'n gwisgo crysau Chapter.
Beth allwch chi ei wneud i weithio gyda ni?
- Peidiwch â dod i Chapter os oes gennych symptomau COVID
- Gwisgwch orchudd wyneb
- Defnyddiwch ddiheintydd dwylo a golchwch eich dwylo
- Cadwch bellter cymdeithasol
- Archebwch ar-lein ar gyfer y Caffi Bar a'r Sinema
Amseroedd Agor
Mae'r adeilad ar agor 7 diwrnod yr wythnos, 8.30yb – 11.30yh
Dydd Sul – Dydd Mercher: 9yb-10yh, Iau – Sadwrn: 9yh-11yh
Desg Wybodaeth: 9yb-9yh
Caffi: Dydd Sul – Dydd Mercher 9yb-10yh, Dydd Iau - Dydd Sadwrn 9yb-11yh (gweinir bwyd drwy'r dydd, ac mae'r amseroedd gweini penodol wedi'u nodi yma)
Bar: Dydd Sul - Dydd Mercher, Canol dydd – 10yh, Dydd Iau - Dydd Sadwrn, Canol dydd - 11yh
Oriel: Dydd Mawrth – Dydd Sul, 11yb–5yh, ar gau bob dydd Llun
Sinema: Llun – Sul, see film listings for specific dates & times of screenings
Theatr:See performance listingsfor specific times and dates
Ailagor mewn lluniau
Er mwyn eich helpu i ddychmygu'r newidiadau rydyn ni wedi'u gwneud, rydyn ni wedi creu oriel o luniau.
Cwestiynau Cyffredin
Os oes gennych gwestiwn sydd heb ei ateb yma na chwaith yn y tudalennau Bwyd & Diod, Sinema, Oriel, Gwybodaeth am Docynnau, nac Hygyrchedd, anfonwch e-bost at enquiry@chapter.org ac fe wnawn ni eich ateb cyn gynted â phosib.
-
Oes angen i fi wisgo gorchudd wyneb ar bob adeg?
Rhaid i chi wisgo masg bob amser, ac eithrio pan fyddwch chi’n eistedd yn ein caffi bar. Rhaid gwisgo gorchudd wyneb yn ein sinemâu, theatrau a’r oriel (mae eithriadau'n berthnasol). O 28 Chwefror ymlaen, bydd cyfyngiadau ar wisgo masgiau’n codi. Serch hynny, gofynnwn i chi ystyried pobl sy’n fwy bregus na chi, ac rydyn ni’n cynghori eich bod yn parhau i wisgo masgiau os gallwch chi.
-
Sut ydych chi wedi lleihau capasiti eich adeilad?
Ni fydd cyfyngiad ar niferoedd.
-
Oes angen pàs Covid neu ganlyniad prawf negyddol arna i er mwyn dod i mewn i’r adeilad?
Does dim angen i chi ddangos pàs Covid i gael mynediad i’n sinemâu a’n theatrau.
-
A fydda i’n cael ad-daliad os bydda i’n dod i’r digwyddiad heb bàs Covid na chanlyniad prawf negyddol?
Os archeboch chi ar ôl 15 Tachwedd, yn anffodus allwn ni ddim cynnig ad-daliad os byddwch chi’n cyrraedd heb bàs neu ganlyniad prawf negyddol. Serch hynny, os archeboch chi cyn 15 Tachwedd, byddwch yn cael cynnig ad-daliad.
-
Beth os nad ydw i wedi cael y brechlyn?
Os nad ydych chi wedi cael y brechlyn, bydd angen dangos canlyniad prawf negyddol a gymerwyd o fewn 48 awr cyn y digwyddiad, wedi’i dderbyn drwy neges destun neu e-bost gan gov.uk. Bydd angen dangos prawf o hunaniaeth ochr yn ochr â’ch canlyniad prawf.
-
Dw i ddim yn byw yng Nghymru, ac rwy’n ymweld, sut alla i brofi fy statws brechu?
Mae gan wasanaethau iechyd yn Lloegr, yr Alban a Gogledd Iwerddon fersiwn wahanol o’r pàs Covid y byddwn ni’n ei derbyn – ewch i wefan eich GIG lleol i gael rhagor o wybodaeth.
-
Alla i ddim archebu tocynnau ar-lein
Os nad oes modd i chi archebu ar-lein, dim ond wyneb yn wyneb all y staff wrth y Ddesg Wybodaeth gymryd archebion. Rydyn ni’n annog taliadau digyswllt. Ewch i'n tudalen Gwybodaeth am Docynnau i gael rhagor o fanylion.
-
Ydych chi'n derbyn arian parod?
Rydyn ni’n annog yn gryf eich bod chi’n archebu lle ymlaen llaw ar-lein, neu os ydych chi ar y safle, eich bod yn talu’n ddigyswllt.
-
Mae gen i symptomau neu dw i wedi cael prawf positif am COVID-19. Alla i gael ad-daliad neu amnewid fy nhocynnau?
Dydyn ni ddim yn cynnig ad-daliad os na allwch chi ddod oherwydd COVID, ond gallwch amnewid eich tocynnau i ddangosiad arall os bydd tocynnau ar gael. Gallwch wneud cais i amnewid hyd at 24 awr cyn amser dechrau'r digwyddiad, drwy anfon e-bost at ticketing@chapter.org. Peidiwch â dod i Chapter os oes gennych symptomau COVID. I weld y telerau ac amodau llawn ar ad-daliadau tocynnau, credyd ac amnewid, ewch i'r dudalen Telerau ac Amodau.
-
A fydd llyfryn misol a nodiadau rhaglen argraffedig Chapter ar gael?
Na fyddan. Am resymau iechyd a diogelwch, ni fyddwn ni'n argraffu deunydd rhestriadau na nodiadau rhaglen. Bydd pob ffilm a digwyddiad yn cael eu nodi ar ein gwefan o dan Digwyddiadau. Gallwch gofrestru i fod ar ein rhestr e-bost i gael gwybodaeth am y rhaglen i'ch mewnflwch.
-
Hoffwn siarad gydag aelod o staff i adrodd am broblem. Gyda phwy alla i siarad?
Mae ein tîm Blaen y Tŷ ar gael ar bob adeg o'r dydd. Ewch i'r Ddesg Wybodaeth, sydd ar ochr chwith y brif fynedfa, a gofynnwch am y Rheolwr ar Ddyletswydd. Gallwch adnabod ein timau Blaen y Tŷ gan y byddan nhw'n gwisgo crysau Chapter.
-
A fydd y siop roddion ar agor?
Na fydd. Mae ein siop ar gau am y tro.
-
A fydd unrhyw ddigwyddiadau'n cael eu cynnal yn yr awyr agored?
Bydd. Mae'n bosib y byddwn ni'n cynnal digwyddiadau achlysurol yn yr awyr agored, a byddwn ni'n dilyn canllawiau'r Llywodraeth ar gyfer pob prosiect.
-
Pryd mae tocynnau'n stopio cael eu gwerthu?
Mae tocynnau ar gyfer dangosiadau ffilm ar gael i'w prynu ar-lein tan 15 munud cyn yr amser dechrau a hysbysebwyd, yn amodol ar fod tocynnau ar gael. Mae tocynnau ar gyfer digwyddiadau rhithiol hefyd ar gael i'w prynu ar-lein tan un awr cyn yr amser dechrau a hysbysebwyd, yn amodol ar fod tocynnau ar gael ac oni bai y nodwyd fel arall.
-
Byddwch chi'n casglu manylion ar gyfer Tracio ac Olrhain?
Dydyn ni ddim yn casglu manylion ar gyfer Tracio ac Olrhain bellach.
Bwyd & Diod
What to know before visiting our caffi bar including how to book a table and ordering food & drink
