Rydym yn defnyddio cwcis ar y wefan hon i wella sut mae'n gweithio a sut mae'n cael ei ddefnyddio.      Rheoli   |   Polisi preifatrwydd

Accept & Continue

Yn unol â chanllawiau Llywodraeth Cymru, os ydych chi’n 18+ oed ac yn ymweld â’n theatrau neu’n sinemâu, bydd angen pàs Covid cyfredol, neu eich bod wedi cael prawf llif unffordd negyddol yn ddiweddar. Am fanylion a gwybodaeth ar pàs Covid, cliciwwch yma.

Ymweliad

Cwestiynau Cyffredin

Os oes gennych gwestiwn sydd heb ei ateb yma na chwaith yn y tudalennau Bwyd & Diod, Sinema, Oriel, Gwybodaeth am Docynnau, nac Hygyrchedd, anfonwch e-bost at enquiry@chapter.org ac fe wnawn ni eich ateb cyn gynted â phosib.

  • Oes angen pàs Covid neu ganlyniad prawf negyddol arna i er mwyn dod i mewn i’r adeilad?

    Nac oes. Does dim angen pàs Covid neu ganlyniad prawf negyddol i ddod i mewn i’r adeilad. Dim ond ar gyfer ein sinemâu, ein theatrau, neu unrhyw ofod lle mae perfformiad yn digwydd mae hyn yn berthnasol. Bydd pasiau Covid a chanlyniadau profion yn cael eu gwirio ar bwynt mynediad ffilm neu berfformiad.

  • Sut alla i gael pàs Covid?

    Gallwch gael pàs Covid digidol y GIG ar-lein drwy wefan y GIG yma. Cofrestrwch neu mewngofnodwch i’ch cyfrif GIG. Dilynwch y cyfarwyddiadau ar y sgrin. Bydd angen i chi lanlwytho cerdyn adnabod â llun yn ystod y broses.

  • Beth os na alla i gael mynediad at y pàs Covid?

    Os nad oes modd i chi gael mynediad at y pàs Covid, gallwch wneud cais am dystysgrif papur gan Lywodraeth Cymru drwy ffonio 0300 303 5667. Cofiwch y gall hyn gymryd hyd at 10 diwrnod gwaith, felly bydd angen cynllunio ymlaen llaw.

  • Sut alla i gael prawf llif unffordd?

    Mae profion llif unffordd am ddim, a gallwch eu harchebu ar-lein yma. Os nad oes modd i chi ddefnyddio’r gwasanaeth ar-lein, gallwch archebu profion drwy ffonio 119.

  • Does gen i ddim pàs Covid, a fyddwch chi’n derbyn fy ngherdyn brechu o’r ganolfan frechu?

    Na fyddwn. Dim ond prawf swyddogol o statws brechu byddwn ni’n ei dderbyn, sef pàs Covid digidol y GIG neu lythyr gan Lywodraeth Cymru.

  • Anghofiais wneud prawf llif unffordd 48 awr cyn fy nigwyddiad, a does gen i ddim pàs Covid, a fydda i ddim yn cael dod i mewn?

    Yn anffodus, os na allwch chi roi canlyniad prawf llif unffordd negyddol a wnaed o fewn 48 awr cyn y digwyddiad, ac os nad oes gennych chi bàs Covid, allwn ni ddim gadael i chi fynd i mewn i’r ffilm neu berfformiad.

  • A yw’r rheolau am bàs Covid a chanlyniad prawf yn berthnasol i bawb?

    Nac ydyn, os ydych o dan 18 oed does dim angen pàs Covid na chanlyniad prawf negyddol.

  • A fydda i’n cael ad-daliad os bydda i’n dod i’r digwyddiad heb bàs Covid na chanlyniad prawf negyddol?

    Os archeboch chi ar ôl 15 Tachwedd, yn anffodus allwn ni ddim cynnig ad-daliad os byddwch chi’n cyrraedd heb bàs neu ganlyniad prawf negyddol. Serch hynny, os archeboch chi cyn 15 Tachwedd, byddwch yn cael cynnig ad-daliad.

  • Beth os nad ydw i wedi cael y brechlyn?

    Os nad ydych chi wedi cael y brechlyn, bydd angen dangos canlyniad prawf negyddol a gymerwyd o fewn 48 awr cyn y digwyddiad, wedi’i dderbyn drwy neges destun neu e-bost gan gov.uk. Bydd angen dangos prawf o hunaniaeth ochr yn ochr â’ch canlyniad prawf.

  • Dw i ddim yn byw yng Nghymru, ac rwy’n ymweld, sut alla i brofi fy statws brechu?

    Mae gan wasanaethau iechyd yn Lloegr, yr Alban a Gogledd Iwerddon fersiwn wahanol o’r pàs Covid y byddwn ni’n ei derbyn – ewch i wefan eich GIG lleol i gael rhagor o wybodaeth.

  • Oes angen i fi wisgo gorchudd wyneb ar bob adeg?

    Mae gwisgo gorchudd wyneb yn ein gofodau cyhoeddus yn dal i fod yn orfodol. Mae hyn yn cynnwys yr oriel, sinemâu, y theatr a’r tai bach. Serch hynny, mae gwisgo mwgwd yn ein Caffi Bar bellach yn ddewis personol, ond cynghorwn eich bod yn parhau i wneud hynny oni bai eich bod chi’n eistedd.

  • Alla i ddim archebu tocynnau ar-lein

    Os nad oes modd i chi archebu ar-lein, dim ond wyneb yn wyneb all y staff wrth y Ddesg Wybodaeth gymryd archebion. Mae'n ddrwg ganddon ni na allwn ni gymryd archebion dros y ffôn bellach. Rydyn ni’n annog taliadau digyswllt. Ewch i'n tudalen Gwybodaeth am Docynnau i gael rhagor o fanylion.

  • Ydych chi'n derbyn arian parod?

    Rydyn ni’n annog yn gryf eich bod chi’n archebu lle ymlaen llaw ar-lein, neu os ydych chi ar y safle, eich bod yn talu’n ddigyswllt. Mae modd i ni dderbyn taliadau arian parod mewn sefyllfaoedd eithriadol.

  • Mae gen i symptomau neu dw i wedi cael prawf positif am COVID-19. Alla i gael ad-daliad neu amnewid fy nhocynnau?

    Dydyn ni ddim yn cynnig ad-daliad os na allwch chi ddod oherwydd COVID, ond gallwch amnewid eich tocynnau i ddangosiad arall os bydd tocynnau ar gael. Gallwch wneud cais i amnewid hyd at 24 awr cyn amser dechrau'r digwyddiad, drwy anfon e-bost at ticketing@chapter.org. Peidiwch â dod i Chapter os oes gennych symptomau COVID. I weld y telerau ac amodau llawn ar ad-daliadau tocynnau, credyd ac amnewid, ewch i'r dudalen Telerau ac Amodau.

  • A fydd llyfryn misol a nodiadau rhaglen argraffedig Chapter ar gael?

    Na fyddan. Am resymau iechyd a diogelwch, ni fyddwn ni'n argraffu deunydd rhestriadau na nodiadau rhaglen. Bydd pob ffilm a digwyddiad yn cael eu nodi ar ein gwefan o dan Digwyddiadau. Gallwch gofrestru i fod ar ein rhestr e-bost i gael gwybodaeth am y rhaglen i'ch mewnflwch.

  • Hoffwn siarad gydag aelod o staff i adrodd am broblem. Gyda phwy alla i siarad?

    Mae ein tîm Blaen y Tŷ ar gael ar bob adeg o'r dydd. Ewch i'r Ddesg Wybodaeth, sydd ar ochr chwith y brif fynedfa, a gofynnwch am y Rheolwr ar Ddyletswydd. Gallwch adnabod ein timau Blaen y Tŷ gan y byddan nhw'n gwisgo crysau Chapter.

  • Sut ydych chi wedi lleihau capasiti eich adeilad?

    Rydyn ni wedi lleihau'r capasiti ym mhob ardal. Rydyn ni'n caniatáu capasiti o ddim mwy na 10 o bobl yn yr Oriel. Rydyn ni wedi lleihau capasiti ein sinemâu a thearau ac mae rhesi a seddi yn y sinema wedi'u tynnu er mwyn galluogi pawb i gadw pellter cymdeithasol. Rydyn ni wedi lleihau nifer y byrddau yn y Caffi Bar.

  • A fydd y siop roddion ar agor?

    Na fydd. Mae ein siop ar gau am y tro.

  • A fydd unrhyw ddigwyddiadau'n cael eu cynnal yn yr awyr agored?

    Bydd. Mae'n bosib y byddwn ni'n cynnal digwyddiadau achlysurol yn yr awyr agored, a byddwn ni'n dilyn canllawiau'r Llywodraeth ar gyfer pob prosiect.

  • Pryd mae tocynnau'n stopio cael eu gwerthu?

    Mae tocynnau ar gyfer dangosiadau ffilm ar gael i'w prynu ar-lein tan 15 munud cyn yr amser dechrau a hysbysebwyd, yn amodol ar fod tocynnau ar gael. Mae tocynnau ar gyfer digwyddiadau rhithiol hefyd ar gael i'w prynu ar-lein tan un awr cyn yr amser dechrau a hysbysebwyd, yn amodol ar fod tocynnau ar gael ac oni bai y nodwyd fel arall.

Ymweliad