Mae Chapter wedi bod yn cyflwyno digwyddiadau, prosiectau a chyfleoedd ar gyfer gwneuthurwyr ffilmiau ifanc rhwng 16 a 25 oed ledled Cymru fel partner rhanbarthol ar gyfer Academi Ffilm y BFI, gyda chefnogaeth cyllid y Loteri Genedlaethol.
Nod y rhaglen yma yw eich helpu i ddysgu mwy am ffilm, darganfod eich llais creadigol a dechrau eich gyrfa yn y diwydiant sgrin - dyma'r holl elfennau gwahanol:
Mae'r dangosiadau a'r digwyddiadau rhwydweithio yma’n rhoi cyfle i bobl greadigol ifanc gwrdd â'u cyfoedion a'u cydweithwyr posibl, cyflwyno gwaith newydd a rhannu cyngor ar gyfer mentro i’r diwydiant.
Hyd yn hyn, mae digwyddiadau SCENE yng Nghymru wedi cael eu cynnal ym Mangor, Pen-y-bont ar Ogwr, Caernarfon, Caerdydd, Casnewydd, Y Rhyl, Abertawe a Wrecsam, gan groesawu cannoedd o wneuthurwyr ffilmiau a dangos dwsinau o'u ffilmiau byrion.
Mae labordai yn sesiynau ymarferol ar-lein dan arweiniad gweithwyr proffesiynol y diwydiant sy’n ffocysu ar esbonio beth yw nodweddion gweithio yn y diwydiannau sgrin. Yng Nghymru, rydym wedi cyflwyno sesiynau ar weithio’n llawrydd / sefydlu eich cwmni cynhyrchu eich hun a chreu fideos cerddoriaeth yn y dydd sydd ohoni. Gallwch eu gwylio ynghyd â chatalog cyfan y Labordai drwy'r rhestr chwarae YouTube yma.
Yn ogystal, rydym hefyd wedi cyflwyno dosbarthiadau meistr (yn bersonol ac ar-lein) sy'n ffocysu’n llwyr ar gastio, lleoliadau, ysgrifennu sgriptiau, ymladd ar y sgrin, cynhyrchu, dosbarthu/arddangos a mwy.
Mae'r rhain yn ddangosiadau arbennig o ffilmiau nodedig ac ysbrydoledig, a argymhellir gan ac ar gyfer pobl greadigol ifanc, gyda chynnwys ychwanegol a mynediad am bris gostyngol / mynediad am ddim i bobl 16-25 oed.
Maent wedi cynnwys cyflwyniadau ecsgliwsif a recordiwyd gan Wes Anderson a Christopher Nolan i gyd-fynd â'u ffilmiau nodwedd cyntaf, sesiwn holi ac ateb fyw gyda Gareth Evans ar gyfer The Raid yn Abertawe, dangosiad prin o Punch-Drunk Love ar 35mm, a chyflwyniadau sy'n canolbwyntio ar effeithiau gweledol o Monsters, Asteroid City ac Ex Machina.
Rydym wedi dyfarnu 5 grant o £1000 y flwyddyn i wneuthurwyr ffilmiau yng Nghymru rhwng 16 a 25 oed, i greu ffilm ficro-fer gyda chefnogaeth ar ffurf sesiynau mentora gan weithwyr proffesiynol profiadol yn y diwydiant.
Mae'r prosiectau gorffenedig wedi'u dangos am y tro cyntaf mewn digwyddiadau arddangos yn Chapter a lleoliadau ledled Cymru.
Gan ategu'r cynllun DU-gyfan gan y BFI, rydym yn darparu cyfleoedd i bobl ifanc ddatblygu eu sgiliau curadurol, llywyddu, ysgrifennu, marchnata a rheoli digwyddiadau.
Mae hyn wedi arwain at ddigwyddiadau fel Cymru Drwy Lens, arddangosfa ffilmiau byrion Cymraeg yn Chapter a'r Eisteddfod Genedlaethol, ynghyd â Celtic Voices, a ddaeth â gwneuthurwyr ffilmiau o Gymru, yr Alban ac Iwerddon at ei gilydd. Yn ogystal â dychwelyd y clasur cwlt Jennifer's Body i'r sgrin fawr gyda sesiwn holi ac ateb wedi'i recordio'n arbennig gan y cyfarwyddwr Karyn Kusama.
Gan weithio ar y cyd â Chanolfan Ffilm Cymru, mae rhaglenwyr ifanc hefyd wedi cyfweld â sêr Timestalker a Starve Acre, ac ysgrifennwr-gyfarwyddwr Satu - Year Of The Rabbit.
Mae Chapter wedi cynnal sawl digwyddiad ar gyfer gŵyl ffilmiau fwyaf y DU ar gyfer pobl ifanc, gan gyflwyno detholiadau o bob rhan o raglen yr ŵyl yng Nghaerdydd ac Abertawe, gan roi sylw i leisiau newydd mewn ffilm Gymraeg, a chyd-gynnal noson animeiddio bwrpasol gyda Cardiff Animation Nights.
Gallwch ddod o hyd i fideos o lawer o'n sesiynau holi ac ateb, cyflwyniadau a dosbarthiadau meistr ar y sianel YouTube bwrpasol yma. I ddarllen yn gyntaf am ddigwyddiadau yn y dyfodol ar gyfer pobl greadigol sy'n dod i'r amlwg, dilynwch Chapter MovieMaker ar Instagram. Ac os oes gennych unrhyw gwestiynau, anfonwch e-bost at [email protected].
Sefydlwyd ni gan artistiaid ym 1971, ac rydyn ni’n ganolfan ryngwladol ar gyfer y celfyddydau cyfoes a diwylliant.
Dewch i ddarganfod eich hoff ffilm newydd neu ailddarganfod hen glasur, a phrofi sinema gwbl unigryw.
Cymerwch gip ar y digwyddiadur ffilmiau.
Mae Clwb Chapter yn gynnig ffyrdd fforddiadwy i chi fwynhau’r holl bethau anhygoel rydyn ni’n eu cynnig.
Film Hub Wales (FHW) aims to bring more films, to more people, in more places around Wales. Chapter is proud to be the Film Hub lead organisation for Wales.