Ein Tîm

Ewan yw Prif Weithredwr Platfform for Change, sef elusen iechyd meddwl a newid cymdeithasol sy’n gweithio ledled Cymru a Lloegr.

Mae’n gweithio yn y sector gwirfoddol yng Nghymru ers symud i Gaerdydd yn 1989.

Mae Naomi yn weithiwr proffesiynol profiadol ym maes llywodraethu a chraffu. 

Mae hi’n gweithio fel clerc seneddol yn Senedd Cymru ers dros 16 mlynedd, gan gefnogi ystod eang o wahanol bwyllgorau seneddol. 

Yn fwyaf diweddar, hi oedd Clerc y Pwyllgor Plant, Pobl Ifanc ac Addysg. 

Yn flaenorol, hi oedd arweinydd y Tîm Llywodraethu yn Stockport Homes. Gyda gradd mewn Drama o Brifysgol Aberystwyth, mae ganddi angerdd a diddordeb hirhoedlog yn y celfyddydau. 

Mae cefndir Alun mewn bancio masnachol ac mae’n Bennaeth Buddsoddi Cymdeithasol yng Nghyngor Gweithredu Gwirfoddol Cymru lle mae’n gweithio ers 14 mlynedd.

Mae Alia yn arweinydd cyfathrebu strategol sydd â 25 mlynedd o brofiad o weithio ar draws y sectorau technoleg a chyfryngau.

Yn raddedig o Sefydliad Celf Courtauld gyda gradd mewn Hanes Celf, ac yn fyfyriwr Ôl-raddedig o Ysgol Newyddiaduraeth, y Cyfryngau a Diwylliant Prifysgol Caerdydd, mae hi’n cynnig cyfuniad o lythrennedd celfyddydau ac arbenigedd cyfathrebu masnachol.

Drwy gydol ei gyrfa, mae hi wedi arwain ymgyrchoedd materion cyhoeddus ac enw da mawr eu heffaith, gan helpu sefydliadau i lywio amgylcheddau polisïau cymhleth ac adeiladu cysylltiadau ystyrlon â chymunedau a llunwyr polisi. Mae ganddi brofiad helaeth o arwain trawsnewid digidol ar ran sefydliadau a chyfleu gwerth cymdeithasol technoleg i gynulleidfaoedd amrywiol. 

Mae Alia, sydd o dras Bacistanaidd, yn eiriolwr angerddol dros wneud y celfyddydau yn hygyrch ac yn gynhwysol i bawb. Mae hi yr un mor ymrwymedig i ddod â chelfyddydau byd-eang i Gymru a meithrin arfer celfyddydol sy’n cael ei yrru gan y gymuned ar draws ei thirwedd ddiwylliannol amrywiol. 

Artist a chynhyrchydd o Gaerdydd yw Dela.

Mae ei harfer yn seiliedig ar greu printiau a phaentio i archwilio themâu cof, hiraeth a threftadaeth. Mae ei gwaith wedi cael ei gaffael gan y Llyfrgell Genedlaethol.

Mae Dela yn gweithio yn y sector elusennol fel cynhyrchydd gyda sefydliadau celfyddydol ac mewn rolau cyfathrebu ar gyfer sefydliadau datblygu byd-eang. Mae ei phrosiectau wedi amrywio o greu ffilmiau cyfranogol gyda phobl ifanc i ddylunio ymgyrchoedd eiriolaeth i ddylanwadu ar bolisi.

Ar hyn o bryd mae Dela yn gweithio i Sightsavers fel Cynhyrchydd Straeon, gan gydweithio â ffotograffwyr a gwneuthurwyr ffilmiau i gofnodi profiadau pobl sy’n rhan o’r frwydr fyd-eang dros hawliau anabledd.

Mae hi’n angerddol am wneud celf yn hygyrch i bawb.

Ymarferydd cydweithredol, artist a chydlynydd prosiectau cymunedol yw Howl. 

Maen nhw’n gweithio i gysylltu cymunedau cwiar drwy archwilio natur a gofodau yng Nghaerdydd – gyda ffocws ar lesiant, mynediad, deialog ac ailddychmygu hanesion safle benodol. Mae eu harfer cydweithredol yn cael ei arwain gan ddulliau ymatebol, rhyngddisgyblaethol, sy’n canolbwyntio ar y person ym maes celf, trefnu a llunio polisïau. 

Nhw yw sylfaenydd y prosiect LHDTCRhA+ Garddio a chyfarwyddwr Lone Worlds CIC. 

Curadur a chynhyrchydd annibynnol sy’n byw ym Mryste yw Jane. 

Cyn hynny roedd hi’n Guradur Rhaglenni Cyhoeddus yn Oriel Whitechapel (2017-2024), ac yn gyfrifol am ddigwyddiadau cyhoeddus gan gynnwys sgyrsiau, symposia a pherfformiadau, y rhaglen Awdur Preswyl a’r gyfres bodlediad Hear, Now. 

Yn flaenorol, bu’n Rheolwr Preswylfeydd a Rhaglenni yn Sefydliad Delfina, lle roedd hi’n gyfrifol am raglenni cyhoeddus a phreswylfeydd yn Llundain gydag artistiaid rhyngwladol sy’n dod i’r amlwg ac sydd ar ganol eu gyrfa.

Laura yw’r Pennaeth Cyfathrebu yn Senedd Cymru ac mae hi’n goruchwylio’r holl gyfathrebu allanol, gan gynnwys newyddion, cyfryngau cymdeithasol, y wefan a brandio. 

Mae hi wedi treulio ei gyrfa ym maes cyfathrebu yn y sector cyhoeddus, gan gynnwys yn swyddfa’r wasg Llywodraeth Cymru yn gweithio ar draws amrywiol bortffolios y llywodraeth, gan gynnwys rheoli’r cyfryngau ar gyfer y Prif Weinidog a sefydlu tîm cyfryngau cymdeithasol corfforaethol y sefydliad.

Mae Lauren yn sylfaenydd i ddau sefydliad celfyddydol yng Nghaerdydd: Picl Animation, cwmni cynhyrchu masnachol sy’n creu animeiddio arobryn ar gyfer darlledu, ffilm a phrosiectau traws-gelfyddyd; a Gŵyl Animeiddio Caerdydd, menter gymdeithasol mae hi wedi’i harwain drwy ei thwf o ddangosiadau ar lawr gwlad i ŵyl ryngwladol lewyrchus a rhaglen drwy gydol y flwyddyn.

Ochr yn ochr â’i harweinyddiaeth sefydliadol a’i harfer greadigol, mae Lauren yn cyfrannu at y sector ffilm ac animeiddio ehangach fel cyd-arweinydd WIA UK, gan gefnogi cydraddoldeb rhywedd yn y byd animeiddio, a thrwy rolau ymgynghorol a gwaith rheithgor ar gyfer sefydliadau fel BAFTA a Gwobrau Rhyngwladol Emmy.

Mae Lauren yn dod ag ymrwymiad cryf i gynhwysiant, ochr yn ochr â phrofiad mewn rhaglennu, datblygu cynulleidfaoedd, ymgysylltu cymunedol, codi arian a datblygu partneriaethau masnachol a strategol.

Cyfreithiwr gyda Capital Law yw Stephen ac mae’n aelod o’u Tîm Gweithredol, sy’n cyflawni strategaeth y cwmni a datblygiad dydd i ddydd y busnes. Mae hefyd yn arwain y gwaith o gyflawni eu Strategaeth Gwerth Cymdeithasol a Chynaliadwyedd. 

Mae’n cynorthwyo ein bwrdd i lywio amrywiol faterion cyfreithiol a all godi fel rhan o’n gweithrediadau o ddydd i ddydd.