And the winner is…

Enillydd:

Please Mistress 

Yn gynrychiolaeth daer o’r profiad traws-ffem, dyma ffilm sy’n mynd y tu hwnt i’r naratifau confensiynol i bobl draws mewn ffilm. Yn ffilm llawn risgiau creadigol, mae’n teimlo’n ddilys, yn berthnasol ac yn bersonol gan ymdrin â realiti economaidd a chymdeithasol yr hyn mae’n gymryd i fenywod traws oroesi mewn byd gelyniaethus. Mae Please Mistress yn gwneud i’r gwyliwr dalu sylw i’r ffyrdd mae bod yn anhysbys ar-lein yn annog pobl i ryngweithio gyda’r gymuned Gwiar, a sut gall pobl Gwiar ei ddefnyddio er gwell neu er gwaeth. Gyda’r defnydd o ystafell wely fel lleoliad, gwelwn sut gall cymdeithas ymwthio i heddwch mewnol a man gorffwys rhywun. 

Canmoliaeth arbennig:

Over the Rainbow 

Golwg deimladwy a hiraethus ar ffilm glasurol a gafodd ei mabwysiadu gan ddiwylliant Cwiar genedlaethau yn ôl. Wedi’i gosod yng Nghaerffili gan wneud y gorau o’r lleoliad, mae Cymru wedi’i hintegreiddio’n llawn i Over the Rainbow. Mae’r darlun trosiadol o fasgio, hunan-guddio a chymathu yn teimlo’n ddilys i’r profiad Cwiar. Gyda seinwedd atmosfferig, gwaith cynhyrchu gwych a chymeriadau cymhellol, mae hon yn ffilm sy’n bleserus i’w gwylio. 

Island of Strangers 

Darlun twymgalon o Gymru fel enghraifft o genedl noddfa, gan chwalu rhagdybiaethau arferol am agweddau pobl hŷn tuag at amrywiaeth ac amlddiwylliannaeth. Mae Island of Strangers yn ffilm ddogfen sydd wedi’i gwireddu’n dda, gyda chast hudolus o gymeriadau sy’n dod ynghyd i daclo’r unigrwydd a ddaw gydag oedran, gan ddangos bod y genhedlaeth hŷn yn barod i dderbyn a dathlu gwahaniaeth.