Ffilmiau yn Chapter 6 – 12 Chwefror

Mae ffilmiau’r wythnos yma’n symud rhwng hiwmor, torcalon, a’r eiliadau bach sy’n dod â phobl at ei gilydd.

Mae Is This Thing On? yn cymysgu comedi gyda throeon emosiynol tawel, tra bod My Father’s Shadow ac Unsent Letter yn trafod teulu, cof, a’r pethau nad ydyn nhw’n cael eu dweud. Yn Twinless, mae cyfeillgarwch yn ffurfio mewn llefydd annisgwyl.

Hefyd, mae Nouvelle Vague yn cynnig dathliad chwareus o sinema, mae The Chronology of Water yn dilyn un fenyw sy’n canfod ei llais drwy gelf, ac mae R.E.M. x Buster Keaton’s Sherlock Jr yn paru ffilm fud gyda cherddoriaeth o’r nawdegau i gynnig rhywbeth hyfryd o annisgwyl.

Ac mae pasys Gŵyl Animeiddio Caerdydd 2026 nawr ar werth! Cynlluniwch ymlaen llaw ar gyfer pedwar diwrnod llawn dop o ffilmiau byrion, ffilmiau nodwedd a gweithdai i danio dychymyg ar bob oed.