Galwad agored Experimentica 2026
- Published:
Mae Experimentica – yr unig ŵyl celf fyw yng Nghymru – yn dathlu ei chwarter can mlwyddiant, ac rydyn ni’n comisiynu hyd at bedwar darn o waith newydd ac uchelgeisiol gan artistiaid sy’n byw ac yn dod o Gymru.
Rydyn ni’n awyddus i weithio gydag artistiaid dros gyfnod o flwyddyn, gan ddechrau ym mis Tachwedd 2025, i wireddu darn o waith gorffenedig sydd â’r potensial i deithio ledled Cymru a’r tu hwnt.
Bydd yr artistiaid a ddewisir yn cael:
- £3000 fel ffi artist
- Pedair sesiwn dysgu gan gyfoedion wedi’u datblygu mewn trafodaeth â thîm Chapter a’r garfan
- Tair wythnos o amser ymchwil a datblygu yn Chapter gyda chymorth technegol
- £1000 o gyllideb cynhyrchu i’w wario ar ddeunyddiau, cefnogaeth dechnegol neu offer y tu allan i adnoddau Chapter
- Teithio a llety yn ystod yr ŵyl
- £500 cyllid hygyrchedd
- Cyngor ac arweiniad i deithio â’r gwaith gyda lleoliad(au) partner
- Mae’n rhaid bod yr artistiaid yn byw neu’n dod o Gymru.
- Mae’n rhaid bod gan yr artistiaid o leiaf bum mlynedd o brofiad yn creu gwaith byw ar gyfer y cyhoedd/mewn lleoliadau proffesiynol, gyda thair enghraifft fel tystiolaeth.
- Nid yw’r cyfle yma ar gyfer myfyrwyr, graddedigion diweddar nac artistiaid newydd.
- Mae’n rhaid i’r artistiaid allu ymrwymo i bedair sesiwn Dysgu gan Gyfoedion rhwng mis Tachwedd 2025 a mis Awst 2026, a thair wythnos o gyfnod cynhyrchu yn Chapter yn ystod y flwyddyn.
- Mae’n rhaid i’r cynigion fod ar gyfer gwaith newydd sy’n arbrofol ei ffurf a/neu ei gynnwys/cysyniad, a gall gynnwys symudiad, sain, cyfranogiad ac ysgrifennu yn yr ystyr ehangaf.
- Mae’n rhaid i’r gwaith a gynigir fod yn uchelgeisiol o ran ei hyd, ei faint a’i gwmpas, ac yn 45 munud o hyd o leiaf.
- Ni all y gwaith arfaethedig fod yn waith safle-benodol, a rhaid iddo fod yn addas ar gyfer teithio.
- Mae’n rhaid i’r artistiaid ddangos fod y gwaith yn ddichonadwy o fewn yr amserlen (Tachwedd 2025 — Hydref 2026) a’r gyllideb (£1000 ar gyfer cynhyrchu).
- Mae’r cyfle yma ar agor i artistiaid unigol neu gasglebau. Mae’r ffioedd a’r gyllideb gynhyrchu a nodwyd uchod yn sefydlog.
Cam 1
Rydyn ni’n gwahodd artistiaid i gyflwyno cynnig byr erbyn canol nos 5 Hydref.
Yna byddwn ni’n creu rhestr fer o hyd at 8 artist i’w cyfweld ar diwedd mis Hydref. Bydd y panel cyfweld yn cynnwys staff Chapter ac aelodau allanol.
Mae galwadau agored blaenorol Experimentica wedi denu nifer fawr o geisiadau, felly nid oes modd i ni roi adborth i’r rhai nad ydynt yn cyrraedd y rhestr fer.
Cam 2
Ni fydd y cyfweliad yn fwy na 30 munud o hyd, a byddwch yn rhannu eich syniad yn fanylach ynddo. Bydd cwestiynau’r cyfweliad yn cael eu rhannu â chi ymlaen llaw.
Bydd pawb sy’n dod i gyfweliad yn cael ffi o £100.
- 8 Medi 2025: Cyhoeddi galwad agored
- 5 Hydref, canol nos: Galwad agored yn cau
- Erbyn 15 Hydref: Rhoi gwybod i’r artistiaid sydd ar y rhestr fer
- Cynnar Tachwedd 2025: Cyfweliadau
- Wythnos yn dechrau 10 Tachwedd: Cyhoeddi’r artistiaid buddugol
- 22-25 Hydref 2026: Experimentica
- Ynglŷn â’ch arfer (200 gair)
- Crynodeb o’r prosiect - disgrifiwch ei ffurf, ei hyd, y cysyniad a’r lleoliad (500 gair)
- Tair dolen llun/ffilm o waith blaenorol
- CV (dim mwy na dwy dudalen)
Access
Os byddwch chi’n profi rhwystrau rhag cwblhau’r cais yma, neu os oes gennych gwestiynau ynglŷn â hygyrchedd y cyfweliad neu’r broses gomisiynu, cysylltwch â ni drwy [email protected] neu ffoniwch +44 (0) 29 2031 1069 a byddwn ni’n falch o gael trafod gyda chi.
