Galwad agored — Reciprocal Gestures: symudiad mewn deialog
- Published:
Gŵyl ddeuddydd o ddawns a symudiad estynedig yn Chapter yw Reciprocal Gestures: symudiad mewn deialog ar 13 a 14 Mehefin 2026.
Bydd yr ŵyl yn hwyluso cyfnewid creadigol a deialog ar draws ecolegau dawns a pherfformio yng Nghymru a thu hwnt.
Byddwn ni’n cyflwyno rhaglen ddeinamig o waith comisiwn newydd, gwaith teithiol dawns a symud, trafodaethau bord gron, a gweithdai i artistiaid a chymunedau.
Wrth wraidd y rhaglen yma bydd dau gomisiwn yn gwahodd deuawdau o artistiaid i ddatblygu camau cynnar neu fersiwn gyntaf o waith newydd i’w rannu yn ystod yr ŵyl.
Mae’r comisiynau yma, a fydd yn cael eu dewis drwy alwad agored, yn cynnig lle i artistiaid dawns a symud ddod â’u harferion i mewn i ddeialog, profi syniadau newydd a chymryd risgiau gyda’i gilydd.
Rydyn ni’n agored i’r siâp y bydd y cyflwyniadau yma’n eu cymryd yn yr ŵyl – efallai y bydd y deuawdau’n perfformio yn y caffi bar neu’n rhannu pum munud o symudiad yn y theatr cyn trafodaeth anffurfiol; efallai y byddan nhw’n arwain gweithdy symud neu’n cyflwyno perfformiad hirbarhaus yn ein gardd gymunedol. Prif nod y comisiynau yma yw meithrin sgwrs rhwng arferion ac agor y ddeialog yma i’n cymuned ehangach.
- Ffi o £1000 yr un
- Costau teithio a llety
- Cyllideb gynhyrchu o £300 y comisiwn
- 5 diwrnod yn y stiwdio yn Chapter neu’r lleoliad partner agosaf i chi (Pontio, Theatr Soar neu Ganolfan y Celfyddydau Aberystwyth) fel cefnogaeth mewn nwyddau
- Offer a chymorth technegol
- Mentora gan Bakani Pick-Up (Cyfarwyddwr Artistig, Cwmni Dawns Cenedlaethol Cymru), Kit Edwards (Curadur Perfformiadau, Chapter) neu artist neu weithiwr o’r diwydiant o’n rhwydweithiau ehangach
- Artistiaid ar unrhyw gam yn eu harfer
- Bod o leiaf un artist ym mhob deuawd yn byw yng Nghymru neu’n dod o Gymru
- Partneriaethau newydd neu sefydledig
- Rydyn ni’n agored i geisiadau gan ddeuawdau sy’n cynnwys un artist dawns neu symud ac un artist o ddisgyblaeth arall, ond mae’n rhaid i’r cydweithrediad ganolbwyntio ar symudiad
- Dydd Gwener 24 Ebrill, 5pm: dyddiad cau
- Wythnos yn dechrau 4 Mai: pob artist i gael clywed am y penderfyniad
- 15 Mai – 12 Mehefin: 5 diwrnod yn y stiwdio
- 13 a 14 Mehefin: Gŵyl Reciprocal Gestures
- Enwau’r artistiaid sy’n cydweithio
- E-bost
- Lle mae’r ddau ohonoch yn byw (mae’n rhaid i un artist o leiaf fyw yng Nghymru neu ddod o Gymru) – nodwch ym mha ardal o Gymru
- Bywgraffiad byr (dim mwy na 100 gair yr un neu 2 funud o fideo/sain yr un) ar gyfer eich arferion unigol
- Dywedwch pam rydych chi eisiau cydweithio: ydych chi wedi gweithio gyda’ch gilydd o’r blaen? Beth sy’n eich gwneud chi’n chwilfrydig am arfer y llall? (dim mwy na 200 gair neu 3 munud o fideo/sain)
- Beth hoffech chi ei archwilio a’i drafod yn ystod y comisiwn yma? (dim mwy na 200 gair neu 3 munud o fideo/sain)
- Dolenni at waith blaenorol/cyfryngau cymdeithasol neu wefannau
- Oes yna rywbeth arall yr hoffech chi ei rannu?
Gall artistiaid ymgeisio drwy’r ffurflen gais erbyn 5pm ddydd Gwener 24 Ebrill.
Yna byddwn ni’n dewis dau gomisiwn ac yn cysylltu â’r holl ymgeiswyr yn ystod yr wythnos yn dechrau 4 Mai. Y tîm rhaglennu yn Chapter fydd yn gwneud y penderfyniad.
Os oes gennych unrhyw anghenion hygyrchedd mewn perthynas â’r broses ymgeisio, cysylltwch â [email protected].
