Ffilmau yn Chapter 20 – 26 Mawrth

Bywydau ar drobwynt fydd ar ein sgriniau yr wythnos yma.

Mae La Grazia yn dilyn Arlywydd yr Eidal sy’n wynebu croesffordd foesol ddwys, ac yn Midwinter Break gwelwn gwpl wedi ymddeol sy’n wynebu hen wirioneddau cudd yn ystod gwyliau tawel.

Mewn ffilmiau eraill, gwelwn straeon am enw da ac ailddyfeisio yn datblygu mewn ffyrdd gwahanol. Mae Broken English yn rhannu portread anghonfensiynol o’r eicon a’r artist Marianne Faithfull, tra bod Dead Man’s Wire yn ailedrych ar sefyllfa wystl syfrdanol o 1977 gyda thro doniol a thywyll.

Rydyn ni hefyd yn cynnal Rîl Cymru, rhaglen dan arweiniad BSL o weithdai, dosbarthiadau meistr a dangosiadau gyda Deaf Gwdihŵ, sy’n cefnogi gwneuthurwyr ffilm Byddar a thrwm eu clyw ar y daith at adrodd straeon ar lefel nodwedd.