Rydyn ni’n gwneud newidiadau i’n horiau gweithredu
- Published:
Eleni, rydyn ni’n dathlu 55 mlynedd o Chapter.
Wrth i ni edrych tua’r dyfodol, mae angen i ni wneud penderfyniadau anodd i sicrhau bod modd i ni barhau i gefnogi artistiaid, cynulleidfaoedd a gweithgarwch creadigol. Mae hyn yn cynnwys addasu ein horiau gweithredu.
Ein horiau newydd
O ddydd Sul 29 Mawrth ymlaen:
| Oriel | Caffi | Cegin | Bar | |
| Llun – Mercher | 12–5pm (aros ar gau ddydd Llun) | 9am – 7pm | 12*–6pm | 12–9pm |
| Iau – Sadwrn | 12–5pm | 9am – 8pm | 12*–8pm | 12–10pm |
| Sul | 12–5pm | 9am – 7pm | 12*–3pm neu tan i ni werthu allan | 12–9pm |
*Bydd toesenni ar gael o 9am ymlaen.
Drwy ganolbwyntio ar y dydd ac yn gynnar gyda’r nos – pan mae’r rhan fwyaf ohonoch chi’n treulio amser yma – gallwn barhau i gefnogi pawb sy’n dod trwy ein drysau.
O ddydd Gwener 1 Mai ymlaen, byddwn ni ar agor o 9am ymlaen (yn lle 8.30am).
Fel llawer o sefydliadau ar draws sectorau’r celfyddydau a lletygarwch, rydyn ni’n wynebu tirwedd ariannol heriol. Fel elusen, rydyn ni’n cael rhywfaint o gyllid gan Gyngor Celfyddydau Cymru, ond mae dros 90% o’n hincwm yn dod o werthu tocynnau, llogi ystafelloedd, y caffi bar, a rhoddion.
Ers Covid, mae arferion cynulleidfaoedd wedi newid, ac mae costau wedi cynyddu ym mhob man. Mae llai o bobl yn ymweld yn hwyrach yn y nos, mae platfformau ffrydio wedi effeithio ar bresenoldeb yn y sinema, ac mae cynnal digwyddiadau a’n caffi yn ddrytach nag erioed.
Hoffem ddiolch i chi gyd – ein cynulleidfaoedd, ein cymdogion a’n cyfeillion – am fod yn rhan o Chapter. Bob tro rydych chi’n prynu tocyn, yn prynu paned o de, yn gwneud rhodd (waeth pa mor fach) neu’n dod yn Ffrind Chapter, rydych chi’n ein helpu ni i gadw’n drysau ar agor.
Rydyn ni’n gwybod ei bod hi’n gyfnod anodd i bawb, felly rydyn ni’n ddiolchgar am bob ymweliad a phob cefnogaeth.
Ymlaen i’r 55 mlynedd nesaf gyda’n gilydd!
