Dan Johnson: A Summer of Deep Listening

Ymunwch â ni mewn cyfres o weithdai gwrando a sain chwareus gan Dan Johnson, wedi’u hysbrydoli gan waith Pauline Oliveros.

Agored i bob oed a gallu. Mae croeso mawr i deuluoedd a phlant, ond rhaid i bawb o dan 18 oed fod yng nghwmni oedolyn.

Os oes gennych unrhyw anghenion hygyrchedd, cysylltwch â [email protected] ac fe wnawn ni’n gorau i ddarparu ar eu cyfer.

“The more I listen the more I learn to listen. Deep Listening explores the relationships among any and all sounds whether natural or technological, intended or unintended, real, remembered or imaginary.” – Pauline Oliveros

___

Ynglŷn â'r artist

Mae Dan Johnson yn Hwylusydd Gwrando Dwfn gyda’r Ganolfan ar gyfer Gwrando Dwfn yn Sefydliad Polytechnig Rensselaer, Efrog Newydd, ers 2022. Cafodd ei waith ei gynnwys yn ddiweddar yn y llyfr o 2025 ‘A Year of Deep Listening’ ac mae’n hwylusydd Gwrando Dwfn sy’n gweithio ledled gwledydd Prydain.

Mae Dan yn gyn-artist preswyl yn Chapter, ac mae ganddo hefyd Dystysgrif Ôl-raddedig mewn Dysgu ac Addysgu o Brifysgol Sussex, ac mae wedi bod yn rhan o raglenni ymchwil a datblygu ym Mhrifysgol Stanford (2020) a Sefydliad Marina Abramovic (2023).

Fel cerddor, mae Dan yn arwain y prosiect celf perfformio/taro cynhwysol ‘Ecstatic Drum Beats’, ac mae hefyd yn berfformiwr unigol prysur ac yn athro drymiau. Ymhlith ei gydweithwyr blaenorol a phresennol mae: Maggie Nicols, Moor Mother, Dali de Saint Paul, Valentina Magaletti, Ximena Alarcón, Kit Wilmans Fegradoe, Anushiye Yarnell, Zoh Amba, Pat Thomas, Felinto, MARCY, ac Ossia.