Coffee and Chat with White Rose Funerals and Memorials

Ymunwch â White Rose Funerals and Memorials yn eu bore coffi misol sy’n canolbwyntio ar brofedigaeth a llesiant meddwl.

Mae llesiant meddwl yn hanfodol er mwyn delio â heriau bywyd bob dydd, ond mae adegau o golled, galar a phrofedigaeth yn gallu ei gwneud hi’n anodd gweithredu fel arfer. P’un a yw hynny yn sgil y boen o golli anwylyd neu’r pryder a’r ofn cyn colled sydd i ddod, gall profedigaeth gael effaith hir ar ein hiechyd meddwl.

Mae’r boreau coffi galw heibio yma wedi’u dylunio fel cyfle i chi rannu eich stori, mynegi’ch pryderon, a chysylltu ag eraill sy’n profi profiadau tebyg. Mae’n gyfle i gael eich clywed, i gael cysur, ac i archwilio heriau emosiynol galar heb farnu.

Bydd gwirfoddolwyr hyfforddedig a gweithwyr gofal iechyd proffesiynol ar gael i roi arweiniad a chefnogaeth.