Swyddi a Chyfleuoedd

Rydyn ni’n diogelu gweithle sy’n rhydd rhag pob math o wahaniaethu ac yn hyrwyddo tegwch ar draws ein sefydliad. Rydyn ni wedi’n ffurfio ar sail cyfraniadau gwerthfawr, gwybodaeth a phrofiad yr holl staff, gwirfoddolwyr ac ymddiriedolwyr, ac rydyn ni’n annog pawb sydd â diddordeb mewn gyrfa neu gyfle creadigol i ddilyn ein Cod Ymddygiad.

Rydyn ni’n ganolfan i bawb, ac rydyn ni’n croesawu ceisiadau gan bawb. Mae ein gweithdrefn ymgeisio yn ddienw.

Rydyn ni’n gyflogwr cefnogol a chyfeillgar, ac yn cynnig oriau gweithio hyblyg a gweithio hybrid lle bo’n bosib. Rydyn ni’n gyflogwr cyflog byw ac mae ein buddion staff yn cynnwys:

• 5.6 wythnos o wyliau y flwyddyn, gan gynnwys gwyliau banc, pro rata ar gyfer swyddi rhan amser
• Cinio am ddim pan fyddwch yn gweithio yn yr adeilad
• Dau docyn sinema am ddim y mis
• Gostyngiad ar docynnau sinema a theatr
• 20% oddi ar fwyd a diod yn y Caffi Bar
• Cynllun Cymraeg Gwaith
• Cynllun pensiwn cyfrannol, y byddwch yn cael eich ymrestru iddo’n awtomatig (yn dibynnu ar amodau’r cynllun). Mae’r cynllun yn eich galluogi i gynilo ar gyfer eich ymddeoliad gan ddefnyddio eich arian eich hunan, ynghyd â rhyddhad treth a chyfraniadau gan Chapter
• Tâl mamolaeth a mabwysiadu uwch ar ôl blwyddyn o wasanaeth
• Mynediad at Raglen Cynorthwyo GweithwyrTe/coffi am ddim o’r Caffi Bar
• Cefnogaeth ar gyfer datblygiad parhaus
• Gofal Llygaid ar gyfer Gwaith Cyfarpar Sgrin Arddangos
• Rheseli beiciau diogel
• Parcio i staff

Mae’r holl ddisgrifiadau swydd i’w gweld yn llawn fel ffeil i’w lawrlwytho isod.

Mae pob croeso i unrhyw gwestiynau am unrhyw swydd neu gyfle, a gallwch eu hanfon at apply@chapter.org.

Er mwyn gwneud cais am un o’n swyddi, llenwch y ffurflen gais, y gallwch ei lawrlwytho isod, a’i dychwelyd i apply@chapter.org. Llenwch ffurflen Cyfle Cyfartal a’i chyflwyno cyn y dyddiad cau.

Swyddog Marchnata a Chyfathrebu

Er mwyn gwneud cais am un o’n swyddi, llenwch y ffurflen gais, y gallwch ei lawrlwytho isod, a’i dychwelyd i apply@chapter.org. Llenwch ffurflen Cyfle Cyfartal a’i chyflwyno cyn y dyddiad cau.

Cyflog: £27,248 y flwyddyn
Contract: Parhaol, llawn-amser (yn amodol ar gyfnod prawf o 6 mis).
Oriau: 40 awr yr wythnos (TOIL). Bydd angen gweithio ar y penwythnos a gyda’r nos yn amodol ar anghenion y rhaglen.
Dyddiad cau: Dydd Gwener 15 Awst, 10yb
Cyfweliadau: 28 & 29 August

Diben y swydd

Bydd y Swyddog Marchnata a Chyfathrebu yn gweithio gyda’r Pennaeth Marchnata a Chyfathrebu i gyflawni strategaeth gyfathrebu sy'n ehangu amcanion datblygu cynulleidfaoedd Chapter.

Mae'r swydd yn cynnwys elfennau o farchnata, ysgrifennu copi, cyfryngau cymdeithasol, dadansoddi data, golygu a chynhyrchu fideo. Byddwch yn chwaraewr tîm, ond byddwch hefyd yn gallu gweithio ar eich menter eich hunan, gan ragweld heriau a darparu atebion effeithiol.