Bodies in Process: opening roundtable

Ynglŷn â'r artist Artist rhyngddisgyblaethol yw Anushiye Yarnell y mae ei gwaith yn cwmpasu symudiad, sain, llais, testun, lluniadu, cyfranogiad ac addysgeg amgen. Mae ei gwaith yn ymgynnull mewn ffyrdd symbiotig, gwrth-wahaniaethol o fod. Mae’n archwilio’r rhyngblethu rhwng bydoedd breuddwydion a ffantasi gyda bywyd bob dydd, gan chwilio am y cysylltiadau rhwng profiadau bob dydd yn y byd, a’r fframweithiau anthropolegol, athronyddol, barddonol ac artistig.

Mae Florence Peake wedi bod yn creu gwaith beiddgar, rhyngddisgyblaethol ers 1995, gan gyflwyno'n eang ledled y DU a’r byd. Mae ei hymarfer yn dwyn ynghyd symudiad, cerflunio, peintio a thestun i greu perfformiadau ymdrochol, anrhagweladwy sy'n archwilio’r berthynas rhwng corff a deunydd.

Ganwyd Bakani Pick-Up yn Bulawayo, Zimbabwe, a symudodd i'r DU yn 2005. Dechreuodd ei daith dawns yn Zimbabwe, lle bu'n ffodus i fynychu ysgolion a ddatblygodd ei frwdfrydedd am symudiad. Ar ôl cwblhau ei arholiadau Safon Uwch, hyfforddodd Bakani mewn Coreograffi ym Mhrifysgol Falmouth a Trinity Laban. Ymhlith yr artistiaid y bu'n gweithio â nhw ers iddo raddio mae Grace Wales Bonner, Anthea Hamilton, Theo Clinkard a Fevered Sleep. Ochr yn ochr â'i ymarfer symudiadau, gweithiodd Bakani fel Coreograffydd, Awdur, Darlithydd, Ymchwilydd a Rhaglennydd.