The stair lift to Cinema 1 is currently out of order. For step-free access, please book tickets for Cinema 2. Thank you for your patience!

Performance

Deaf Gathering: OftheJackel: Splat!

Nodweddion

  • Math Children/Family

Perfformiad awyr agored | 55 munud | Wedi’i ddyfeisio ar gyfer plant 3-7 oed, ond yn hwyl i’r teulu cyfan!

Comedi gorfforol am gelf a chreadigrwydd yw Splat!

Mae wedi’i gosod mewn stiwdio, ac mae’r sioe’n dilyn dau artist ifanc: un sy’n ymroddedig ac o ddifri, a’r llall sy’n flêr a di-drefn. Mae’r ddau gymeriad yn ceisio cwblhau eu campweithiau – gan wylltio’i gilydd yn y broses!

Maen nhw’n mynd ar daith drwy’r gweledol, gan archwilio mudiadau pwysig yn hanes celf, a thechnegau’r ‘meistri mawr’. Yn y pen draw maen nhw’n sylweddoli os ydyn nhw am gyflawni rhywbeth, bod rhaid iddyn nhw weithio gyda’i gilydd.

Mae’r sioe’n archwilio themâu cydweithio, chwarae, ymroddiad, gwneud pethau’n ddigymell a gadael fynd.

Perfformiad awyr agored yw hwn – gwisgwch yn gynnes! Os nad yw’r tywydd yn ffafriol, fe awn ni i mewn i’r theatr.

Bydd dehonglwyr Iaith Arwyddion Prydain ar gael i gefnogi’r gynulleidfa drwy gydol y sioe.

Ynglŷn â'r perfformwyr

Mae OftheJackel yn creu theatr weledol i gynulleidfaoedd o bob oed. Gall pobl fyddar ac sy’n clywed fwynhau’r gwaith fel ei gilydd, a does dim deialog yn Splat!

Mae OftheJackel yn ymroddedig i fynd â’u gwaith y tu hwnt i leoliadau teithio traddodiadol ac maen nhw’n creu gwaith ar gyfer mynychwyr theatr tro cyntaf yn ogystal â chefnogwyr oes. Maen nhw’n anelu i’w gwaith fod yn hygyrch i bawb.

Does dim angen archebu, mae croeso i roddion. Mae pob rhodd yn mynd yn uniongyrchol i gefnogi ein rhaglen artistig, gan adeiladu cymunedau creadigol yng Nghymru. Dysgwch fwy yma.

Share