Savage House

Yn Lloegr y ddeunawfed ganrif, yng nghanol gwrthryfel Jacobaidd ac achos eang o’r frech, mae Syr Chauncey a’r Arglwyddes Savage yn cael eu gwahodd i groesawu Dug a Duges Dyfnaint. Mae’r Savages yn ddringwyr cymdeithasol gwasaidd, â thafodau ffraeth a chamsyniadau o’u mawredd eu hunain, sy’n credu y bydd y digwyddiad yma’n ddigon i waredu eu dyledion ac adfer eu henw da. Maen nhw’n cynllwynio i lwyfannu gwledd foethus, ond mae’r gwaith paratoi’n troi’n llanast o ornestau, gormodedd a gwaed. Ffilm ddychan dywyll a doniol am ddosbarth, crandrwydd, a snobyddiaeth, gyda pherfformiadau hyfryd o ddrygionus.

____