Jenő Davies and Iolo Walker: Meadowsweet Palisade

Mae Meadowsweet Palisade yn cyflwyno bricolage o gerfluniau, tecstilau a ffilm naratif. Mae’r arddangosfa’n myfyrio ar bŵer encilio a chyrion cefn gwlad i greu gofodau ar gyfer myfyrio ac adnewyddu. Mae cregyn yn dod yn gyfryngau i brosesu galar a defnyddir ceubrennau i gysgodi ac i osgoi sylw. Mae ffilmiau DIY yn gwyrdroi dulliau cynhyrchu cyfalafol, gan ddefnyddio trosiadau ffuglen wyddonol a ffantasi i chwedloni tirwedd cefn gwlad cyfoes Cymru.

___

Ynglŷn â’r artistiaid

Artist amlddisgyblaethol o’r de-orllewin yw Jenő Davies (g 1997). Maen nhw’n creu cerfluniau a ffilmiau sy’n cyfuno ffantasi â realiti diriaethol. Greddf sy’n llywio’r ymatebion sydd wedi’u creu â llaw i brofiad o’r cyrion sy’n cofleidio’r sentimental, yr anhrefnus a’r gwrthdrawiadol.

Artist o Newham yw Iolo Walker (g 1997). Maen nhw’n creu celf eco/gymdeithasol am farddoniaeth a gwleidyddiaeth y cartref. Cyfeirir at ddiwylliant cwiar drwy decstilau, castio, sinema DIY a gweithdai, i greu cysylltiadau newydd rhwng boneddigeiddio, Gnostigiaeth a’r umwelt.