The Broken Speaker

Mae arfer Nina Thomas yn archwilio capsiynu fel cyfrwng. Yn y ffilm fud The Broken Speaker (2026), mae ei chapsiynau’n dadsefydlogi’r categorïau sy’n aml yn cael eu dynodi i ddisgrifiadau sain a llais, gan archwilio’r goddrychol, y materol, y corfforol a’r cymdeithasol – a’r cyfan drwy lens byddar.

Mae’n ystyried capsiynu fel arfer o ddyfnhau sylw a gwrando. Mae’n dewis capsiynu anadlu ac oedi, y byddai capsiynydd efallai yn eu hepgor. I Nina, mae arwyddocâd i’r eiliadau yma. Yn hytrach na thoriadau neu fethiannau lleferydd, mae anadlu yn llenwi’r gofod rhyngon ni.

Mae Nina’n gwneud eiliadau o’r fath yn ddarllenadwy, yn weithred o gapsiynu agored sy’n chwilio am eiliadau o gyd-ddealltwriaeth.

___

Ynglŷn â'r artist

Mae Nina Thomas yn hollol fyddar, ac mae hi’n gweithio ers dros ddegawd yn eirioli dros newid yn y sector diwylliannol, gan weithio gyda lleoliadau diwylliannol i wella hygyrchedd. Roedd hi’n ymddiriedolwr i’r elusen Stagetext, ac yn aelod sefydlu o The Film Bunch (sefydliad ffilm i bobl fyddar a thrwm eu clyw). Fel artist, mae Nina wedi arddangos mewn lleoliadau fel LUX, British Ceramics Biennial, The Crypt Gallery (NW1), Liberty Festival 2022, Tate Exchange (Tate Modern, Llundain) ac OVADA (Rhydychen).