Powell & Pressburger: The Red Shoes (PG)

Prydain | Michael Powell, Emeric Pressburger | Moira Shearer, Anton Walbrook, Marius Goring 

Mae’r falerina uchelgeisiol Vicky Page yn cael ei rhwygo rhwng ei hymroddiad i ddawns a’i dymuniad am gariad, pan mae’n cael ei chastio mewn addasiad o The Red Shoes gan Hans Christian Anderson. Er bod ei hyfforddwr llym yn ei hannog i anghofio am bopeth ond bale, mae’n dechrau cwympo mewn cariad â’r cyfansoddwr ifanc Julian Craster. Wrth gael ei gwthio i’r dibyn, mae’n rhaid i Vicky ddewis rhwng ei dymuniadau deuol, a derbyn canlyniadau ei phenderfyniad. Y campwaith sinistr ac atmosfferig yma, gyda ffotograffiaeth hyfryd gan Jack Cardiff, sy’n cloi ein tymor.  

Dangosiad yn rhan o Cinema Unbound: The Creative Worlds of Powell + Pressburger, tymor o ffilmiau ledled y DU a gefnogir gan y Loteri Genedlaethol a Rhwydwaith Cynulleidfa Ffilm y BFI bfi.org.uk/powell-and-pressburger.

Celf ac Obsesiwn 

Gan gloi gyda’n ffilm olaf o’r tymor, cyflwynwn gyfres o ffilmiau ar gelf ac obsesiwn. Ysbrydolwyd tarddiad stori The Red Shoes gan ddigwyddiad ym mhlentyndod Hans Christian Anderson, lle gwelodd ei dad yn creu esgidiau hyfryd i gwsmer, ond pan gafodd ei sarhau ganddi, fe ddinistriodd nhw. Gyda’r ysbrydoliaeth yma, edrychwn ar obsesiynau eraill ym myd sinema, sy’n mynd â sbarc greadigol i eithafion obsesiynol.  

A ballet dancer is torn between the man she loves and her obsession for dance.