Ryuichi Sakamoto: Opus (U)

Japan | 2023 | 103’ | U | Neo Sora

Yn niwedd 2022, fel anrheg ffarwél, defnyddiodd Ryuichi Sakamoto ei holl egni i'n gadael gydag un perfformiad terfynol: ffilm gyngerdd yn cynnwys dim ond fe a'i biano. Mae’r ugain darn yn y ffilm, sydd wedi’u curadu a’u gosod mewn trefn gan Sakamoto ei hunan, yn adrodd hanes ei fywyd yn ddi-eiriau drwy ei weithiau eang. Yn ddathliad o fywyd artist yn yr ystyr puraf, mae’r detholiad yn rhychwantu ei yrfa gyfan, o’i gyfnod fel seren bop gyda Cherddorfa Yellow Magic a’i sgorau godidog i’r gwneuthurwr ffilmiau Bernardo Bertolucci i’w albwm olaf fyfyriol, 12. Wedi'i ffilmio'n agos-atoch gan ei fab, mae Sakamoto yn rhannu ei enaid drwy ei alawon hiraethlon, gan wybod mai dyma'r tro olaf y byddai'n gallu cyflwyno ei weithiau.