Tokyo Godfathers (12)

Mae Gin, dyn alcoholig canol oed, Miyuki, merch yn ei harddegau ar ffo, a Hana, cyn-frenhines drag, yn ddigartref ac yn goroesi fel rhyw fath o deulu ar strydoedd Tokyo. Wrth chwilio yn y biniau am fwyd ar Noswyl Nadolig, maen nhw’n dod ar draws baban newydd ei eni yn un ohonynt. Gyda dim ond llond llaw o gliwiau am bwy yw’r babi, mae’r tri yn chwilio strydoedd Tokyo am gymorth i ddychwelyd y baban at ei rieni. Mae’r ffilm wedi cael ei galw’n un o’r ffilmiau anime gorau erioed, ac mae’n chwedl annwyl am undod ar y strydoedd.