Uchafbwyntiau mis Mehefin

Fis yma, mae’r ddwy oriel yn cynnig cartref i ddwy arddangosfa newydd. Bydd Lu Williams yn trawsnewid ein caffi yn siop roddion ddyfaliadol, sy’n archwilio cof, gwerth a’r cyffredin. Mae Roy Claire Potter yn cyflwyno gosodwaith sain cyfoethog, gan ail-weithio perfformiad byw yn amgylchedd gwrando ymdrochol o sgôr wedi’i hail-drefnu, sgript wedi’i hail-recordio, a gwrthrychau cerfluniol â sain.

Ar y llwyfan, mae First Woman gan Sam Hickman yn archwilio benyweidd-dra, mamolaeth, a thrawsnewidiad meddygol, tra bod REWORK yn cynnig noson o sain, ffilm a thestun arbrofol. Mae Dan Johnson yn arwain cyfres o weithdai gwrando chwareus wedi’u hysbrydoli gan Pauline Oliveros, sy’n agored i bob oed.

Mae ein rhaglen ffilmiau yn dathlu sinema o Gymru gyda dangosiadau o Madfabulous ac Effi o Blaenau. Hefyd, mae Gwobr Ffilmiau Byrion Cwiar 2026 yn dathlu’r ffilmiau byrion LHDTCRhA+ gorau a wnaed yng Nghymru.

Mae Marchnad Snapped Up ’nôl gyda gŵyl haf am ddim dros benwythnos, ac mae ein cwis tafarn misol newydd yn dychwelyd ar gyfer noson o hwyl a gemau.