The Boy and the Heron (12A)

Japan | 2023 | 124’ | 12a | Hayao Miyazaki | Japaneeg gydag isdeitlau Saesneg, troslais Saesneg | Takuya Kimora, Masaki Suda; Christian Bale, Robert Pattinson

Rydyn ni’n rhannu’r ddwy fersiwn - y fersiwn wedi’i dybio (gyda pherfformiad llais aruchel Robert Pattinson fel y Crëyr) ar gyfer pob dangosiad cyn 5pm, ac yna’r fersiwn wreiddiol Japaneeg gydag isdeitlau Saesneg ar gyfer pob dangosiad ar ôl 5pm, y gorau o ddau fyd!

Yn ystod yr Ail Ryfel Byd, mae Mahito ifanc yn cael ei symud i dŷ ei dad a’i lysfam yng nghefn gwlad. Yn llawn galar ar ôl marwolaeth drasig ei fam, mae’n cael trafferth setlo i’w fywyd newydd. Yn sydyn, mae ei fyd newydd yn dod yn rhyfeddach fyth pan mae’n cwrdd â chrëyr glas sy’n siarad, ac sy’n mynd ag e i fyd rhyfeddol. Ffilm weledol drawiadol am fod yn ddigon dewr i dderbyn y boen ac i ymhyfrydu yn llawenydd bod yn ddynol.