Oriau cegin newydd: 9am - 6pm

Amseroedd agor

Ffilmiau Chapter 3 – 16 Tachwedd

  • Published:

Am bythefnos arbennig o ffilmiau sydd o’n blaenau! Yn dechrau’n fuan mae’r ŵyl anhygoel Doc N Roll, sy’n rhannu ffilmiau dogfen gan wledd o eiconau ac arloeswyr cerddorol, o’r band o Abertawe, Trampolene, i’r eiconig TLC. Mae’r rhestr lawn i’w gweld yma.

Gan barhau â’n tymor Powell a Pressburger, rydyn ni’n falch iawn o wahodd yr awdur, gwerthwr llyfrau, trefnydd a churadur ffilm So Mayer i roi cyflwyniad i Black Narcissus, gan dynnu sylw at y rhywioldeb cwiar oedd i’w weld drwy eu gwaith. Mae The Prestige gan Christopher Nolan hefyd yn dod ag obsesiwn, cyfrinachedd ac aberth i’n sgrin yn y ffilm gyffro seicolegol yma.

Mae ein gwasanaeth rheolaidd sy’n cyflwyno’r ffilmiau annibynnol a phrif ffrwd gorau, yn cynnwys Bottoms, comedi gwiar sy’n dod â chlwb ymladd i’r ysgol; The Pigeon Tunnel, sy’n rhannu stori’r ysbïwr David Cornwell, neu John le Carre; Dance First, sy’n cymryd golwg ddofn ar y cawr llenyddol, Samuel Beckett, a chymaint mwy, gan gynnwys uchafbwynt o Ŵyl Ffilmiau Llundain, ymdriniaeth Molly Manning Walker â chydsyniad a gorfodaeth ar wyliau ym Malia: How to Have Sex.

Fel rhan o Sain Ffagan 75, rydyn ni’n dathlu gyda dangosiad o Atgyfodi gan breswylydd Chapter, John Rea, gyda sgwrs i ddilyn gyda Jon Gower. Rydyn ni mor falch o gael cyfle i rannu gwaith ein preswylwyr!

Yna, mae NT yn Fyw ’nôl! Mae Skylight, gyda Bill Nighy yn serennu, yn adrodd stori un noson o oerfel. Dewch i gynhesu a’i gwylio yn ein Sinema am un noson yn unig.

A close-up of red velvet cinema screen curtains.

Canllaw Ffilm

Pori ein ffilmiau diweddaraf, gan gynnwys gwybodaeth hygyrch dangosiadau i'r teulu am ddim, ac ein ffilmiau Sgrechiwch fel y Mynnwch ar fore ddydd Gwener!

Lawrlwythwch yma

Digwyddiadau

Pori’r rhaglen, prynu tocynnau a chynllunio eich dydd gyda ni.

Learn More

Ymunwch â'n rhestr bostio