EXPERIMENTICA 24: Ocean Baulcombe-Toppin: For You/On Hope

Wedi’i gynnig fel math o gysur, mae For You/On Hope yn cymryd ysbrydoliaeth gan feddygaeth lysieuaeth ysbrydol i gadw ffydd yn ystod adegau ansicr. Mae’r gwaith yn rhoi cyfarwyddiadau ar bapur hadu yn rhodd ar gyfer seremoni bersonol/breifat, lle mae’r derbynwyr yn cael eu gwahodd i blannu a thyfu neges o gadarnhad, gan alluogi gobaith i ffynnu. Caiff ei rannu yn ystod offrwm te yn hyb yr ŵyl, a’i bostio i gymunedau lleol.

Artist yw Ocean Baulcombe-Toppin (g. 1996, Llundain) sy’n ymarfer ym maes ymddiriedaeth a gobaith. Mae’n gweithio’n eco-ymwybodol gyda gwrthrych, iaith, print, a rhyngweithio cynnil i grefftio athroniaeth gyfoes wedi’i hysbrydoli gan ei hysbrydolrwydd, ei threftadaeth Garibïaidd-Brydeinig, a defodau cysur. Gan weithio gyda gwrthrychau ail-law, deunyddiau bioddiraddadwy, effemera ac ynni adnewyddadwy, mae’n archwilio syniadau sy’n ymwneud â hybridedd, iacháu hynafiadol, amgylcheddaeth a chyfunoliaeth.

Mae cyflwyniadau diweddar o’i gwaith yn cynnwys arddangosfeydd a gwaith perfformiadol yn Oriel Neven, Llundain; Metroland Cultures, Llundain; Nottingham Contemporary, Nottingham; Somerset House, Llundain; Harlesden High Street, Llundain; Amgueddfa Freud, Llundain; Sinema Deptford, Llundain; ac Oriel De Llundain, Llundain.

Hygyrchedd: Bydd testun mawr a fersiynau sain o'r gwaith ar gael.

Taflen Sain: Rhaglen Hygyrch